2 Baami 5:1 - Baibo Busansulushi Bwa Libuku Ili

¹ Naamani wakalinga mutanjilili wa bashilumamba bene Silya. Wakalinga kulemekwa abuumbi kumwaami wa bene Silya mukwiinga kwiinda muli nguwe, Mwaami Lesa wakalinga kulengesha bene Silya kukoma lyoonse. Wakalinga shilumamba uyoosha, nakubi boobo wakaciswa bulwashi bwa manata.

2 Baami 5:1 Marejeleo ya Msalaba

2 Samwelo 3:29

Mulandu wa bulowa bwakwe Abina aukabe pali Joabu abamuŋanda ya baishi! Pakati ka bamulunyungu lwakwe munshiku shoonse shili kunembo, apakacanike lyoonse pali mulwashi kasele, ucite manata, utacite nkusu shakusebensa ncito iyumu, weenga wacaikwa munkondo, nabi upengete cakulya!”

2 Baami 4:8

Bumwi bushiku Elisha wakaya kuShunemu uko kwakalinga kwikala mwanakashi mubile. Mwanakashi uyo wakamutamba mukulyaakwe. Kuswa bushiku ubo Elisha lyoonse na waya kuShunemu wakalinga kulya kuŋanda ya mwanakashi uyo.

2 Baami 5:2

Ono bushiku bumwi ndibakaya mukulwana abene Isilaeli, bene Silya bakacata busha mulindu umwi mwine Isilaeli uyo wakaba musebenshi wa muka Naamani.

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

2 Baami 7:3

Kwakalinga bantu bone bakalinga kuciswa bulwashi bwa manata abo bakalinga kunsengwe lya mwinjililo wa ndabala ya Samaliya. Basankwa abo bakatalika kubandika ayi, “Sa tunanoolindilabo kushikila tufwe?

Esita 10:3

Modekayi muJuda wakapekwa cuuna cabili kumwaami Sakisesi. BaJudanyina bakamusuna akumulemeka ceebo wakalinga kubacitila shibotu akuletela bamulunyungu lwakwe boonse luumuno.

Esita 9:4

Ono cakapuka mubwaami bwakwe Sakisesi boonse ayi Modekayi wakaba munene muŋanda ya bwaami alimwi nkusu shakwe shakalinga kuya bufulilaako.

Kulonga 11:3

Lesa wakalengesha ayi bene Ijipiti balemeke bene Isilaeli. Ncakwiila bacinenenene ba mwaami Falawo alimwi abantubo bamwi boonse bakabona ayi Mose ngumuntu munene ulemekwa.

Tushimpi 21:31

Muntu ulakonsha kubamba liaki ayi liye kunkondo, sombi nguMwaami Lesa ulengesha kukoma.

Luka 4:27

Mbweeke ubo kwakalinga bakalinga kuciswa manata baanji muIsilaeli munshiku shakwe Elisha mulaluki mukulukulu. Ono sombi Naamani wa kuSilya eenkabo ngowakasalashikwa akuba kabotu.”

Joni 19:11

Jesu lyalo wakakumbula ayi, “Nootakwe kupekwa nkusu kuswa kuli baTa, naakwiinga toocite nkusu pali ndime. Nakubi boobo uyo wakangaba kuli ndiwe ngoocite cibiibi cinene.”

Bene Loma 15:18

Ndanookwaamba cakutashisaawo shoonse isho Klistu nshaacita kwiinda muli ndime kwaamba ayi baswamashi bakunsengwe banyumfwile Lesa. Ndakacita sheeshi kwiinda mumaswi alimwi amumicito,

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

Dutolonomi 2:37

Nacibi boobo tatukwe kuya pafwaafwi acishi ca bene Amoni nabi kuloombe lwa Mulonga wa Jaboku, kumandabala a cishi ca tulundu nabi musena umwi uko Mwaami Lesa, Lesa wesu nkwaatakwe kutwaambila ayi tuye.