2 Baami 4:8 - Baibo Busansulushi Bwa Libuku Ili

⁸ Bumwi bushiku Elisha wakaya kuShunemu uko kwakalinga kwikala mwanakashi mubile. Mwanakashi uyo wakamutamba mukulyaakwe. Kuswa bushiku ubo Elisha lyoonse na waya kuShunemu wakalinga kulya kuŋanda ya mwanakashi uyo.

2 Baami 4:8 Marejeleo ya Msalaba

Joshuwa 19:18

Mukati ka cishi cabo mwakalinga ndabala ya Jesiliilu, Kesuloti, Shunemu,

Luka 24:29

Sombi bashikwiiya abo bakamukakatisha akwaamba ayi, “Amwikale aswebo mukwiinga kutooya cishiya.” Aboobo wakenjila akwikalaabo.

Jobo 32:9

Anu teshi bunene bulengesha muntu kuba abusongo. Ee, teshi bucembele bulengesha muntu kwishiba ciluleme.

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Matalikilo 19:3

Loti wakatolelela kubasenga, lyalo kumamanino bakasumina kuyaakwe kuŋanda. Mpeeke Loti wakapanga cimaande akubambila beensu cakulya cibotu. Ndicakabambwa bakalya.

1 Baami 1:3

Aboobo bakayandoola mulindu mubotu mucishi coonse ca Isilaeli, mpeeke mundabala ya Shunemu bakacana mulindu wiitwa ayi Abishagi akumutola kumwaami.

2 Samwelo 19:32

Basilayi wakalinga wacembela abuumbi, kaacite myaaka ili 80. Ono wakalinga kubilite abuumbi alimwi ngowakalinga kupa shakulya mwaami Defedi ndyaakalinga kwikala kuMaanaimu.

Boomboloshi 19:20

Mpeeke mucembele uyo wakabaambila ayi, “Kuŋanda yangu ndamutambula ayi moone. Ntoomupa lucafwo loonse ndomusuni kwaamba ayi mutooni mulubansa muno.”

Milimo ya Batumwi 16:15

Ndyaakamana kubombekwa abantu abo mbaakalinga kwikalaabo muŋanda yakwe, wakatwiita soonse ayi, “Mbuli mbomwasumina ayi ndashooma amoyo wangu woonse muMwaami Jesu katiya kuŋanda yangu.” Lyalo wakatukombelela ayi tuye.

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Tushimpi 7:21

Musankwa uyo wakakomwa kumaswi akwe ayungoola. Ee, wakayungoolwa ceebo ca mulaka wa mwanakashi uyu.

2 Baami 4:18

Mwaana uyo ndyaakakula, paciindi cakutebula, mwaana musankwa uyo wakaya kuli baishi abo bakalinga abasebenshi mumuunda.

1 Samwelo 28:4

Mpeeke bene Filisiti ndibakamana kulibungabunga bakaya bayaka misumba yabo kuShunemu. Alakwe Saulo wakabunganya bene Isilaeli boonse akuyaka misumba kuGilubowa.

Luka 14:23

Lyalo mwaami wakwe wakakumbula ayi, ‘Koya mutushila amumikondo ya mumishi, ukaambile bantu cankusu ayi bese kwaamba ayi ŋanda yangu isule.

Mateyo 25:17

Alakwe wabili bweenka, wakacaninawo shuulu shobilo alimwi.