2 Baami 4:1 - Baibo Busansulushi Bwa Libuku Ili

¹ Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

2 Baami 4:1 Marejeleo ya Msalaba

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

1 Baami 18:3

Aboobo Aabu wakeeta Obadiya, uyo wakalinga munene kuŋanda ya bwaami. Ono Obadiya uyo wakalinga kulambila abuumbi Mwaami Lesa.

1 Baami 20:35

Ono kwiinda mukutumwa kuMwaami Lesa, umwi pakati ka balaluki wakaambila mulalukinyina ayi, “Ngume!” Sombi lakwe wakakaka.

2 Baami 2:15

Balaluki abo bakalinga makumi osanwe bakaswa kuJeliko bakamubona akwaamba ayi, “Nkusu shakwe Elija shesa kuli Elisha!” Bakaya bamukumanya, bamufukamina

2 Baami 2:3

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Baami 2:5

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Baami 2:7

Likoto lya balaluki bakalinga makumi osanwe bakabakonkela kuMulonga wa Joodani. Mpeeke Elija aElisha ndibakeemikana pafwaafwi aMulonga wa Joodani, balaluki abo abalo bakeemikana palaaleeko.

2 Baami 4:38

Ono kunembo mucishi coonse ndimwakaba nsala, Elisha wakaboolela kuGilugala. Mpeeke ndyaakalinga kwiisha balaluki, wakaambila musebenshi wakwe ayi abike nongo inene pamulilo akuteleka musushi wa nyama kwaamba ayi balye.

2 Baami 6:9

Sombi Elisha wakatuma nkombe kumwaami wa bene Isilaeli, kumucenjesha kutashikaako kumusena uyo mukwiinga bene Silya nkobatooyubilila kumulwana uko.

Neyemiya 10:31

Na baswamashi baleta bukwebo buli boonse kwaamba ayi tuule pabushiku bwakookesha bwa Cibelu nabi pabushiku bumwibo busalalite, teshi tunokuulaawo. Mumwaaka amwaaka wasanu ayobilo teshi tunoolimaawo myuunda yesu alimwi tunanoolekelela beshinkongole boonse mumwaaka uyu.

Neyemiya 7:2

Ndakabika mukwesu Anani kunokweendelesha Jelusalemu pantu pomwi aAnaniya mutanjilili wa ciyubilo ca bashilumamba. Ananiya wakalinga muntu ushomeka alimwi ulemeka Lesa kwiinda bantu bamwi boonse.

Kulumbaisha 103:11

Bweenka mbuli liculu mbolili kulaale kuswa panshi, mbweeke ubo lusuno lwakwe mbolubete kukomena kubaabo bamulemeka.

Kulumbaisha 103:17

Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.

Kulumbaisha 115:13

Ulaakupa coolwe bantu abo bamulemeka, balemekwa abatalemekwi boonse ulaakubapa coolwe.

Kulumbaisha 147:11

Sombi ulasangalalila muli babo bamulemeka, abo bacinka manungo mulusuno lwakwe lutamaani.

Tushimpi 22:7

Mukandu ngumusha wa mubile alimwi shikukweleta ngumusha kuwooyo shikukweletesha.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Jelemiya 34:14

lyoonse mumwaaka wasanu ayobilo balyeelete kwaangulula basha boonse bene Ebulu abo babasebensela myaaka yosanwe awomwi. Sombi balo bamashali banu bakulukulu tabakwe kunyumfwila nabi kubikako maano kusheesho nshendakaamba.

Bene Lefi 25:48

ulicite nkusu shakulubulwa nabi wakalyuulisha. Mukwabo umwi

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 18:25

Ceebo taakalinga kucikonsha kuboosha nkongole, mwaami wakwe wakaamba ayi, musebenshi uyu ulyeelete kuulishikwa abakaakwe abana bakwe alimwi ashintu shoonse nshaacite kwaamba ayi nkongole iboole.

Mateyo 18:30

Sombi lakwe wakakaka kumulekelela. Wakamwaangisha ayi kushikila akalipile nkongole.

Mateyo 18:35

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

Milimo ya Batumwi 13:26

“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa!

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 19:5

Lyalo kucuuna ca bwaami kwakanyumfwika liswi lyakwaamba ayi, “Atulumbaishe Lesa, mwebo nobasebenshi bakwe alimwi abantu boonse, balemekwa alimwi abantubo, noonse nomumulemeka!”

Lute 1:3

Elimeleki wakafwa. Lyalo Naomi wakacaalabo eenka abana bakwe basankwa bobilo abo.

1 Samwelo 22:2

Mpeeke bantu boonse bakalinga kuungumene, bakalinga munkongole abaabo batakalinga kukondetwe bakaya kuli nguwe, lyalo wakaba mutanjilili wabo. Pantu pomwi bakalinga basankwa mpashi myaanda yone.