2 Baami 3:12 - Baibo Busansulushi Bwa Libuku Ili

¹² Ono mwaami Jeoshafati wakaamba ayi, “Anu ngumulaluki wancinencine.” Mpeeke bamaami abo botatwe bakaya kuli Elisha.

2 Baami 3:12 Marejeleo ya Msalaba

2 Baami 2:21

Lyalo Elisha wakeetola kukantupu akuwaala mwiinyo mumaanshi akwaamba ayi, “Mwaami Lesa waamba ayi, ‘Ndalengesha maanshi aya kuba kabotu alimwi teshi akaleteewo lufu nabi kulengesha bulongo kutakusha shishango!’ ”

2 Baami 3:11

Sombi mwaami Jeoshafati wakeepusha ayi, “Sa kuliiwo mulaluki wa Mwaami Lesa weenga watwiipushishaako kuMwaami Lesa?” Lyalo mutanjilili umwi wa bashilumamba bakwe Jolamu wakakumbula ayi, “Elisha mwanaakwe Shapati nkwaali. Wakalinga kucafwa Elija.”

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

2 Baami 5:15

Wakaboolela kuli Elisha abantu bakwe boonse akumwaambila ayi, “Ono ndeshiba ayi taaku Lesa umwi, sombibo Lesa wa bene Isilaeli. Ono nkambo, ndaseenga ayi mutambule cipo kuswa kuli ndime nemusebenshi wanu.”

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.