2 Baami 3:10 - Baibo Busansulushi Bwa Libuku Ili

¹⁰ Lyalo mwaami wa bene Isilaeli wakaamba ayi, “Twamana ono! Sa Mwaami Lesa weeta sobamaami sotatwe ayi atwaabe mumaansa a bene Moabu?”

2 Baami 3:10 Marejeleo ya Msalaba

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 8:21

Ono bantu balaakwiingaila mucishi ca panshi kabatyongwete akufwa nsala. Muciindi ico balaakushingana mwaami wabo aLesa wabo ceebo ca nsala abukali. Balaakunoolanga kwiculu

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

2 Baami 6:33

Elisha kaatana kumanisha kwaamba makani aya, mwaami wakesa waamba ayi, “NguMwaami Lesa walengesha ayi mapensho aya kwisa pali ndiswe! Ino ono noolindililanshi lucafwo kuswa kuli nguwe?”

Matalikilo 4:13

Lyalo Kaini wakaambila Mwaami Lesa ayi, “Mulandu uyu wakomenesha ngomwampa, inga nshiukoonshi.

2 Baami 3:9

Mpomunyaawo mwaami Jolamu, mwaami wa bene Juda awa bene Edomu bakanyamuka. Bakeenda kwanshiku shili shosanwe ashobilo. Ono maanshi akamana cakutacaalaawo nabibo tuniini twa bantu nabi shifubwa nshebakalingaasho.

2 Baami 3:11

Sombi mwaami Jeoshafati wakeepusha ayi, “Sa kuliiwo mulaluki wa Mwaami Lesa weenga watwiipushishaako kuMwaami Lesa?” Lyalo mutanjilili umwi wa bashilumamba bakwe Jolamu wakakumbula ayi, “Elisha mwanaakwe Shapati nkwaali. Wakalinga kucafwa Elija.”