2 Baami 24:1 - Baibo Busansulushi Bwa Libuku Ili

¹ Mubwaami bwakwe Jeoiyakimu, Nebukadinesa mwaami wa bene Babiloni wakaya mukulwana cishi ca bene Juda. Mpeeke Jeoiyakimu wakaba musebenshi wakwe Nebukadinesa kwamyaaka yotatwe, lyalo wakamubukila.

2 Baami 24:1 Marejeleo ya Msalaba

Danyelo 1:1

Mumwaaka watatu wa bwaami bwakwe Jeoiyakimu mwaami wa bene Juda, Nebukadinesa mwaami wa bene Babiloni wakaya mukulwana ndabala ya Jelusalemu akwiishinguluka.

Jelemiya 25:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, nkokwaamba ayi mumwaaka wakutaanguna wa bwaami bwakwe Nebukadinesa mucishi ca Babiloni, nebo neJelemiya ndakatambula maswi akumite pabene Juda boonse.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 46:2

Wakaamba palikoto lya bashilumamba bakwe Falawo Neko mwaami wa bene Ijipiti. Bashilumamba abo bakakomwa kuli Nebukadinesa mwaami wa bene Babiloni kuKakemishi kuMulonga wa Yufuletisi. Bakakomwa mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda. Wakaamba ayi,

2 Baami 17:5

Kuswawaawo Shalimanesa wakaya mukulwana cishi ca Isilaeli akushinguluka ndabala ya Samaliya kwamyaaka yotatwe.

Jelemiya 35:1

Ono Jeoiyakimu mwanaakwe Josiya ndyaakalinga mwaami wa bene Juda, Mwaami Lesa wakaamba kuli ndime neJelemiya ayi,

Jelemiya 35:11

Sombi ciindi Nebukadinesa mwaami wa bene Babiloni ndyaakalwana cishi cino, swebo twakaamba ayi, ‘Katiya kuJelusalemu tucice bashilumamba bene Babiloni abene Silya.’ Nceceeco ncetushiitile muJelusalemu.”

Jelemiya 36:1

Mumwaaka wane wa bwaami bwakwe Jeoiyakimu mwanaakwe Josiya mucishi ca Juda, Mwaami Lesa wakalwiita nebo neJelemiya ayi,

Jelemiya 45:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, Baluki wakalemba maswi ayo ngondakalinga kumulwiita. Mpeeke ndakamulwiita ayi

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Esekelo 21:14

“Aboobo webo omuntu, laluka. Kamba mapakaako kubuumba. Mupeeni uyase mankanda obilo, nabibo otatwe. Ngumupeeni wakucaishaako alimwi ulaakubashinkila kumbasu shoonse.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

2 Baami 24:20

Mwaami Lesa wakakalala abuumbi pabene Jelusalemu apabene Juda cakwaamba ayi wakabakusha pameenso akwe. Ono mwaami Sedekiya wakabukila mwaami wa bene Babiloni.

2 Makani 36:1

Lyalo bene Juda bakasala Jeowasi mwanaakwe Josiya ayi apyane bwaami bwa baishi muJelusalemu.

Esila 4:12

Nobaami besu tulisuni kumwishibisha ayi bene Juda abo bakaswa kulubasu loolo kwisa kokuno bakaya kuJelusalemu akutalika kuyaka alimwi ndabala ilya ibiibi itanyumfwili. Bulya batalika kale kuyaka lubumbu alimwi bali pafwaafwi akulumanisha.

Isaya 36:5

Sa utooyeeya ayi maswi inga eelana alushibo lwa nkondo alimwi ankusu? Ngani ngootooyeeya ayi inga wakucafwa kubukila bene Asilya?

Esekelo 19:8

Lyalo mishobo yakabungana ayi balwane anjiyo, ee, bantu ba mushishi shishingulukite boonse bakesa. Bakateya koombe kabo alimwi akwiicatisha mucilindi.

Abakuku 1:6

Ntoonyamuna bene Babiloni, ee, bantu balya bakali alimwi batacite nkumbu. Mbantu abo bamana cishi coonse kweenda kwaamba ayi bakome misena iteshi yabo.