2 Baami 21:3 - Baibo Busansulushi Bwa Libuku Ili

³ Wakayakulula misena yakulambililaako ya patulundu iyo yakanyonyoola Esekiya. Wakayaka ashipaililo shakulambililaawo Baali akubumba cikoshanyo cakwe Ashela lesa mwanakashi bweenka bwakalinga bwacita Aabu mwaami wa bene Isilaeli. Manase lakwe wakalinga kulambila anyenyeenshi.

2 Baami 21:3 Marejeleo ya Msalaba

1 Baami 18:21

Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.

1 Baami 18:26

Lyalo bakabwesa mucende uyo wakaletwa kuli mbabo, bakamubamba. Mpeeke bakatalika kupaila kuli Baali kushikila lisuba ndilyakashika pakati ka mutwi. Bakalinga koolobesha ayi, “NobaBaali mutukumbule!” Bakalinga kushana kabashinguluka cipaililo ncebakayaka. Sombi taakuuwo cakacitika. Baali taakwe kubakumbulaawo.

2 Baami 13:6

Sombi bakatolelela kucita shibiibi shakalinga kucita Jeloboamu isho nshaakalengesha bene Isilaeli kucita. Ncakwiila Bakatolelela kubisha alimwi cikoshanyo cakwe Ashela lesa mwanakashi cakalingaamobo mundabala ya Samaliya.

2 Baami 17:16

Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

2 Baami 18:4

Wakanyonyoola misena yakulambililaako ya patulundu. Wakapwaya libwe lyakeemikwa akutimboola shikoshanyo shakwe Ashela lesa mwanakashi. Ayalo nsoka ya bulonse iyo Mose njaakalinga apanga wakeepwayoola mutupanshapansha mukwiinga bene Isilaeli bakalinga kubenga tununkila kabotu mukwiilemeka. Nsoka iyo yakalinga kwiitwa ayi Neushitani.

2 Baami 8:18

Mukaakwe wakalinga mwanaakwe Aabu. Alakwe wakakonkela nshila shibiibi sha bamaami ba bene Isilaeli bweenka bwakacita bamuŋanda yakwe Aabu. Nkokwaamba ayi bakabishisha Mwaami Lesa,

2 Baami 8:27

Ceebo cakwaamba ayi Aasiya wakalinga mukwe kuli Aabu, ono alakwe wakabishisha Mwaami Lesa bweenka bwakabisha bapongoshi bakwe baAabu abamuŋanda yabo.

2 Makani 32:12

Sa teshi Esekiya mwiine wakanyonyoola misena yakulambililaako ya patulundu ashipaililo shakwe lesa uyo akwaambila bene Juda abene Jelusalemu ayi banoolambililabo kucipaililo comwi akutenta milambu kweenka uko?

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

Jobo 31:26

Nshikwe kulambilawo lisuba mubulemu bwa ndilyo, nabi kulemeka mweenshi mububotu bwa nguwo.

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Dutolonomi 16:21

“Ono mwaakuyaka cipaililo ca Mwaami Lesa, Lesa wanu, mutakabikiwo cikoshanyo cakwe Ashela lesa mwanakashi wakubesa.

Dutolonomi 17:2

“Ono twaambe ayi mwanyumfwa kwaamba ayi musankwa nabi mwanakashi umwi mundabala imwi pakati ka aayo Mwaami Lesa, Lesa wanu ngweshi akamupe, wabisha kuli nguwe akupwaya cipangano cakwe.

Dutolonomi 17:3

Nkokwaamba ayi wakalambila akusebensela balesa bamwi, lisuba, mweenshi nabi nyenyeenshi, ico citeendelani amulawo wa Mwaami Lesa.

Dutolonomi 20:18

Mukabacaaye, kwaamba ayi batakamulengeshi kubisha kuMwaami Lesa kwiinda mukumwiisha shintu shilensha nsoni, isho nshebacita pakulambila balesa babo.

Dutolonomi 4:19

Mutakeeleshi kulambila nabi kusebensela cimwi ncemubona mwiculu mbuli lisuba, mweenshi, alimwi anyenyeenshi. Shintu ishi Mwaami Lesa, Lesa wanu wakashilekela bantu boonse ba mishobo imwi.