2 Baami 2:5 - Baibo Busansulushi Bwa Libuku Ili

⁵ Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Baami 2:5 Marejeleo ya Msalaba

Matalikilo 48:19

Sombi baishi bakakaka akwaamba ayi, “Ndishi omwanaangu, ndishi. Alakwe ulaakuba mushobo alimwi alakwe ulaakuba muntu ulemekwa. Nakubi boobo, mwanike wakwe ulaakwiindaawo alimwi bamulunyungu lwakwe balaakuba likoto lya mishobo.”

1 Baami 20:35

Ono kwiinda mukutumwa kuMwaami Lesa, umwi pakati ka balaluki wakaambila mulalukinyina ayi, “Ngume!” Sombi lakwe wakakaka.

2 Baami 2:3

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

2 Baami 5:22

Geyasi wakakumbula ayi, “Sobwe, taaku cabica, sombi baami bangu mbobantuma mukumulwiita ayi balaluki bobilo ba mulikoto lya balaluki ba mucishi ca tulundu ca Efuleemu besa. Ono balisuni ayi mubape maali a silifa ali 3,000 ashakufwala shibotu shobilo.”

2 Baami 6:1

Bumwi bushiku likoto lya balaluki abo Elisha mbwaakalinga kweendelesha bakatongooka kuli nguwe ayi, “Musena ngotwikalaawo amwebo waceya abuumbi!

2 Baami 9:1

Ono mulaluki Elisha wakaambila umwi wa mulikoto lya balaluki ayi, “Pimpa cakufwala cako ca peculu uye kuLamoti mucishi ca Gilyadi. Uyumune amusaashi uyu wa mafuta a olifi.

Shikushimikila 3:7

Kuli ciindi cakukwamuna aciindi cakutunga. Kuli ciindi cakukutumana aciindi cakwaamba.

Isaya 41:1

Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.

Amosi 7:14

Amosi wakakumbula ayi, “Nebo nshiishi mulaluki uyo ucana shakulya mukulaluka. Nebo ndakalinga mweembeshi alimwi ndakalinga kulima shisamu sha nkuyu.

Abakuku 2:20

Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.

Luka 24:51

Mpeeke kaacibapa coolwe wakapansaana abo, watolwa kwiculu.

Milimo ya Batumwi 1:11

Basankwa abo bakabaambila ayi, “Mwebo nobene Galili, ceebonshi mweemikana paapo akulanga kwiculu? Uyu Jesu watolwa kwiculu kuswa kuli ndimwe, ulaakuboola alimwi bweenka mbuli mbomwamubona kaaya.”

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.

Milimo ya Batumwi 26:25

Sombi Paulo wakakumbula ayi, “Nshina kucinkuka, nomulemekwa baFesitasi! Makani aya ngontokwaamba ngalushinisho alimwi ntokwaambabo bweenka mbuli muntu muyawu.

1 Samwelo 10:5

Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.