2 Baami 16:3 - Baibo Busansulushi Bwa Libuku Ili

³ Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 16:3 Marejeleo ya Msalaba

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

Bene Lefi 18:21

“Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.

2 Baami 21:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 21:11

“Manase mwaami wa bene Juda wacita shibiibi ishi shiyoosha, ncakwiila shiinda pasheesho sha bene Amoli abo bataanshi kwikala mucishi ico. Wakatanjilila bene Juda mukubisha kwiinda mukulambila shibumbwabumbwa shakwe.

2 Baami 17:17

Bakalinga kubenga bana babo basankwa abanakashi ayi njimilambu yakutenta, bakalinga kuya kubeshikusonda akubeshikulotela. Ncakwiila bakabika maano abo oonse kushintu shitacite ncito kumeenso a Mwaami Lesa. Paceebo ceeco bakasonkomona bukali bwakwe.

Esekelo 20:31

Ono abobulya mucipa shipo nshemunya akulibisha nobeene kushibumbwabumbwa nshemunya mukubenga bana banu kuli nshisho mumulilo. Ino sa inga ndamusuminisha ayi mwise mukunjipusha kuyanda kwangu mwebo nobene Isilaeli? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.

Esekelo 20:26

Ndakabaleka ayi balibiishe kwiinda mumilambu yabo, bunene bunene pakubenga bana babo bakwiiya ayi njimilambu. Ndakacita boobo kwaamba ayi bakaloonde akwishiba ayi nebo ndi Mwaami Lesa.’

Esekelo 16:47

Webo tookwe kukonkelabo nshila shabo alimwi akwiiya micito yabo ilensha bunya, sombi munshila shako shoonse wakabisha kwiinda mbabo.

Esekelo 16:21

cakutaloonda kucaya bana bangu akubabenga ayi njimilambu kushibumbwabumbwa?

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Kulumbaisha 106:35

sombi bakatalika kunyumfwana ambabo alimwi akukonkela kwishibila kwabo kubiibi.

2 Makani 33:6

Wakabenga bana bakwe basankwa ayi njimilambu yakutenta muCinyika ca Inomu. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Makani 33:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 22:3

Alakwe wakalinga kucita bweenka bwakalinga kucita bamuŋanda yakwe Aabu mukwiinga banyina bakalinga kumuyumyayumya kucita shintu shibiibi.

2 Baami 23:10

Mwaami Josiya wakanyonyoola musena wakulambililaako wa kuTofeti muCinyika ca Inomu kwaamba ayi taaku muntu weenga wabenga mwanaakwe musankwa nabi mwanakashi ayi ngumulambu wakutenta kuli Moleki.

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 8:18

Mukaakwe wakalinga mwanaakwe Aabu. Alakwe wakakonkela nshila shibiibi sha bamaami ba bene Isilaeli bweenka bwakacita bamuŋanda yakwe Aabu. Nkokwaamba ayi bakabishisha Mwaami Lesa,

1 Baami 14:24

Cakabica kwiindilila ncakwaamba ayi, kwakalinga basankwa bakalinga kucitana bufuule pamisena njebakalinga kulambililaawo. Bene Juda bakalinga kucita shintu shoonse shipusenepusene shilensha nsoni shakalinga kucita bantu abo Mwaami Lesa mbwaakatandaamo ciindi bene Isilaeli ndibakalinga kuya cinjila mucishi ico.

Dutolonomi 18:10

Kutabi muntu uli woonse pakati kanu ubenga mwanaakwe musankwa nabi mwanakashi ayi ngumulambu wakutenta. Kutakabi muntu pakati kanu uba muŋanga, shikusonda, mukamwaami,

Bene Lefi 20:2

“Lwiita bene Isilaeli ayi uyo woonse wa mulikoto lyanu, nabi muswamashi ushiite pakati kanu, weenga wabenga mwanaakwe uli woonse mukulambila lesa wiitwa ayi Moleki, bantu bene Isilaeli balyeelete kumucaya kumabwe.

2 Baami 17:8

akukonkela kwishibila kwa bantu abo Mwaami Lesa mbwaakatanda mucishi cabo. Bakatambula amicito iyo yakaletwa abamaami ba bene Isilaeli.

2 Baami 17:19

Nakubi boobo abalo bene Juda tabakwe kukonkela milawo ya Mwaami Lesa, Lesa wabo. Bakakonkela kwishibila kwa bene Isilaeli.

Mika 6:7

Sa Mwaami Lesa inga wakondwa na ndamuletela cuulu ca mbelele shisankwa? Sa inga wakondwa na ndamuletela milonga iteeli ya mafuta a olifi? Sa mbenge mwanaangu musankwa wakwiiya ayi ndekelelwe shibiibi shangu? Ee, kubenga mwaana wakulishalila ceebo ca milandu yangu?

2 Baami 17:16

Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.

2 Baami 21:9

Sombi bene Juda tabakwe kunyumfwila Mwaami Lesa. Mpeeke Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

Isaya 57:5

Mwebo mulasanina meenshanyama anu munshaashisamu sha mibanga, ee, kulila munshaacisamu cicite cimfule cibotu cifungulukite. Mulabenga abana banu muya tulonga kushibumbwabumbwa amunshaamabwe acengeme cakupanga cimfule cibotu.