2 Baami 13:4 - Baibo Busansulushi Bwa Libuku Ili

⁴ Kuswawaawo Jeowasi wakapaila kuMwaami Lesa. Lyalo Mwaami Lesa ndyaakabona mwaami wa bene Silya mbwaakalinga kulyatilila bene Isilaeli calunkutwe, wakumbula mipailo yakwe Jeowasi.

2 Baami 13:4 Marejeleo ya Msalaba

2 Baami 14:26

Ono Mwaami Lesa wakabona mapensho ayoosha a bene Isilaeli boonse. Tekwakalinga nabi womwi wakalinga kukonsha kubacafwa.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Kulumbaisha 78:34

Ono kulilabo na wacaya bamwi, beenga bacalaawo bakalinga kusandukila kuli nguwe akumulambila.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Shakubelenga 21:7

Ndibakabona boobo, bakesa kuli Mose akwaamba ayi, “Twakabisha nditwakatongookela Mwaami Lesa alimwi amwebo. Ono amupaile kuMwaami Lesa.” Aboobo Mose wakabapaililaako.

Kulonga 3:9

Ncakwiila kulila kwa bantu bangu ndakunyumfwa, alimwi ndaboona abene Ijipiti mbobatoobapensha.

Matalikilo 21:17

Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako.

Jelemiya 2:27

Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

2 Baami 13:22

Ono Asayelo mwaami wa bene Silya wakalinga kupensha bene Isilaeli kwaciindi coonse ca bwaami bwakwe Jeowasi.

Boomboloshi 10:10

Mpomunyaawo bene Isilaeli bakalilila Mwaami Lesa ayi, “Twamubishisha mukwiinga twakakaka mwebo nobaLesa besu akutalika kusebensela baBaali.”

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Isaya 26:16

“Bantu banu ndibakalinga mumapensho, NoBaami baLesa bakamulilila. Ndimwakabapa mulandu, ncakwiila bakapaila kuli ndimwe.

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

Esila 8:23

Aboobo twakalikasha kulya akusenga Lesa wesu pamakani aya, alakwe wakakumbula mipailo yesu.

Jobo 22:27

Waakunoopaila, ulaakunookunyumfwa. Ulaakucita nshewakashomesha cakulumbila kuli nguwe.