2 Baami 1:3 - Baibo Busansulushi Bwa Libuku Ili

³ Sombi munjelo wa Mwaami Lesa wakaambila Elija mulaluki mwine Tishibe ayi, “Koya ukakumane abeshinkombe abo mwaami Aasiya mbwaakatuma akubeepusha ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’

2 Baami 1:3 Marejeleo ya Msalaba

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

1 Baami 18:1

Ndipakeenda ciindi, mumwaaka watatu wa cilanga, Mwaami Lesa wakaambila Elija ayi, “Koya ulishiishe kumwaami Aabu, lyalo ndaakutuma mfula.”

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

1 Baami 19:5

Wakoona mucimfule mulya akuya mutulo. Lyalo cakuteengashila munjelo wa Mwaami Lesa wakamubusha akwaamba ayi, “Buka ulye.”

1 Baami 19:7

Uyo munjelo wa Mwaami Lesa wakesa alimwi akwaamba lyabili ayi, “Buka ulye kwaamba ayi mushinso utakulaampili.”

1 Baami 21:17

Mpomunyaawo Mwaami Lesa wakaambila Elija mulaluki mwine Tishibe ayi,

2 Baami 1:2

Mwaami Aasiya wakaloka pambwelyo ya cipinda ca peculu ca ŋanda yakwe muSamaliya akulicisa abuumbi. Lyalo wakatuma beshinkombe kuya mukwiipusha Baali Sebubu lesa wa kuEkiloni ndabala inene ya bene Filisiti ayi na ulaakuba kabotu.

2 Baami 1:6

Abalo bakakumbula ayi, “Twakumana amusankwa uyo watwaambila ayi tubooleemo akwisa mukumulwiita maswi aswa kuMwaami Lesa akwaamba ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’ Paceebo ceeco teshi mukabukeewo kuswa pabulo bwanu apo, ncakwiila mulaakufwa!”

2 Baami 1:8

Balo bakakumbula ayi, “Walinga kufwete cakufwala ca booya peculu alimwi kaangite alamba wa cipaya mubukome.” Mwaami wakaamba ayi, “Anu nguElija mwine Tishibe!”

2 Baami 5:15

Wakaboolela kuli Elisha abantu bakwe boonse akumwaambila ayi, “Ono ndeshiba ayi taaku Lesa umwi, sombibo Lesa wa bene Isilaeli. Ono nkambo, ndaseenga ayi mutambule cipo kuswa kuli ndime nemusebenshi wanu.”

2 Baami 5:8

Elisha ndyaakanyumfwa shakacitika, wakatuma nkombe kumwaami wa cishi cakwe ayi, “Ino nciinshi camulengesha kukwamoona shakufwala shanu? Muntu uyo amumutume kuli ndime kwaamba ayi eshibe ayi mucishi ca Isilaeli muli mulaluki!”

Kulumbaisha 76:1

Lesa ulishibikitwe mucishi ca Juda, liina lyakwe lilalemekwa muIsilaeli.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Maako 3:22

Bamwi bafundishi ba Milawo bakaswa kuJelusalemu bakalinga kwaamba ayi, “Ulicite Bilusebulu muli nguwe! Ngumwaami wa bashikaswa umupa nkusu shakubakusha.”

Milimo ya Batumwi 8:26

Ono munjelo wa Mwaami Lesa wakaambila Filipo ayi, “Nyamuka uye kumalenge, munshila iswa kuJelusalemu kuya kuGasa.” (Nshila iyi tabeendiimo bantu shinoonshiku.)

1 Samwelo 17:46

Sunu Mwaami Lesa utookwaaba mumaansaangu ayi kuncaaye akukusutula mutwi. Mibili ya bene Filisiti sunu ntooipa bayuni abanyama bamuluundu. Lyalo bantu ba mucishi ca panshi coonse batooshiba ayi muli Lesa muIsilaeli.