2 Baami 1:16 - Baibo Busansulushi Bwa Libuku Ili

¹⁶ akumwaambila ayi, “Mwaami Lesa waamba ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’ Paceebo ceeco teshi mukabukeewo kuswa pabulo bwanu apo, ncakwiila mulaakufwa!”

2 Baami 1:16 Marejeleo ya Msalaba

1 Baami 22:28

Mikaya wakaamba ayi, “Na mulaakuboola kamuli boomi, nkokwaamba ayi anu Mwaami Lesa taakwe kwaamba muli ndime!” Mpeeke wakatolelela kwaamba ayi, “Ishi nshendaamba mushilabilile noonse!”

2 Baami 1:6

Abalo bakakumbula ayi, “Twakumana amusankwa uyo watwaambila ayi tubooleemo akwisa mukumulwiita maswi aswa kuMwaami Lesa akwaamba ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’ Paceebo ceeco teshi mukabukeewo kuswa pabulo bwanu apo, ncakwiila mulaakufwa!”

2 Baami 20:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

2 Baami 5:21

Mpomunyaawo Geyasi wakakonkela Naamani. Ingayi Naamani abone muntu kaacicila kuli nguwe, wakaseluka mucikoci kuya mukumukumanya. Mpeeke wakamwiipusha ayi, “Sa kuli cabica?”

2 Baami 8:10

Elisha wakakumbula ayi, “Koya ukamulwiite ayi ulaakuba kabotu. Nakubi boobo Mwaami Lesa wanjubulwita ayi ulaakufwa.”

2 Baami 8:8

wakaambila Asayelo musebenshi wakwe ayi, “Tola cipo kumulaluki akumusenga ayi eepushe kuMwaami Lesa na ntooba kabotu.”

Kulumbaisha 132:3

Wakaamba ayi, “Muŋanda yangu teshi nkenjileemo, pabulo bwangu teshi nkooneewo sobwe.

Tushimpi 11:19

Muntu uyo utolelela kucita shiluleme ulaba abuumi, sombi utolelela kucita shibiibi ulaakufwa.

Esekelo 14:4

Paceebo ceeco ubalwiite ayi nebo neMwaami Lesa Shinkusu shoonse waamba ayi, ‘Na mwine Isilaeli watalika kulambila shibumbwabumbwa nakubi kwaamba ayi ulishi ayi shilaakuba mfumpu kunembo lyakwe, ono pesule wesa mukwiipusha kumulaluki, nebo neMwaami Lesa ndimeshi nkamukumbule kweelana akulambila shibumbwabumbwa kwakwe.