2 Baami 1:10 - Baibo Busansulushi Bwa Libuku Ili

¹⁰ Elija wakakumbula ayi, “Na ndi muntu wakwe Lesa, mulilo auseluke kuswa kwiculu akucaya ndiwe abashilumamba bako boonse!” Mpomunyaawo mulilo wakatenta mutanjilili uyo abashilumamba bakwe boonse.

2 Baami 1:10 Marejeleo ya Msalaba

1 Baami 22:28

Mikaya wakaamba ayi, “Na mulaakuboola kamuli boomi, nkokwaamba ayi anu Mwaami Lesa taakwe kwaamba muli ndime!” Mpeeke wakatolelela kwaamba ayi, “Ishi nshendaamba mushilabilile noonse!”

2 Baami 1:11

Mpomunyaawo mwaami wakatumako mutanjilili aumwi abashilumamba makumi osanwe abo bakaya mukwaamba kuli Elija ayi, “Omuntu wakwe Lesa, mwaami waamba ayi useluke bulya bweenka!”

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Jobo 1:16

Shinkombe uyo kaacaamba aJobo, aumwi wakapola akwaamba ayi, “Kalumba kakwe Lesa katenta mbelele shoonse abeembeshi banu. Ndime ndacicabo akwisa mukumulwiita shacitika.”

Kulumbaisha 105:15

Wakalinga kubaambila ayi, “Mutaciisi bantu bangu mbondakasala, Muteeleshi kucata balaluki bangu.”

Kulumbaisha 106:18

Mulilo awalo wakalulumina bakalinga kubakonkela, ncakwiila wakatenta bantu abo babiibi.

Danyelo 3:22

Ono mukwiinga mwaami wakakonkomosha kwaamba ayi munyumbi ulengeshekwe kulungula abuumbi, mulilo uyo wakatenta bashilumamba abo bakatola Shadileki Mishaki aAbedinego.

Danyelo 3:25

Lyalo mwaami wakeepusha ayi, “Ino ceebonshi ntoobona basankwa bone batokweendaana mukati mumunyumbi? Tabaangitwe alimwi batooboneka anga tabatoopyaawo. Muntu wane pakati kabo utooboneka anga ngumwaana wa balesa.”

Danyelo 6:24

Lyalo mwaami wakaamba ayi abo bakalinga bapa mulandu Danyelo bacatwe akuwaalwa mucilindi ca nkalamu pantu pomwi abamakaabo alimwi abana babo. Kabatana kushika apanshi lya cilindi, nkalamu shakababaka akupwayoola mafuwa abo oonse.

Bene Lefi 10:2

Paciindi ceenka ico, Mwaami Lesa wakatuma mulilo uyo wakabatenta kushikila bafwa peenka apo kunembo lyakwe.

Shakubelenga 11:1

Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba.

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Mateyo 21:41

Balo bakamukumbula ayi, “Ncakwiila ulaakucaya babiibi abo, akubweleka muunda kubamwi abo beshibakanoomupako shisepo paciindi ceelete.”

Luka 9:54

Mpomunyaawo Jemusi aJoni, bashikwiiya bakwe Jesu, ndibakabona bobulya bakaamba ayi, “Nkambo, sa mulisuni kwaamba ayi twiite mulilo kuswa kwiculu ayi wise unyonyoole bantu aba?”

Milimo ya Batumwi 12:19

Elodi ndyaakanyumfwa boobo, wakapingula ayi bamulangoole, sombi tabakwe kumucana. Lyalo wakeepushisha bashilumamba abo akwaamba ayi balyeelete kucaikwa. Kuswawaawo, Elodi wakaswaako kuJudeya akuya kuSisaliya nkwaakaya mukwikala nshiku shiniini.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Ciyubululo 11:5

Na umwi weelesha kwaamba ayi abaciise, mumilomo yabo mulaswa mulilo uyo unyonyoola balwani babo. Nkokwaamba ayi uyo woonse weelesha kubacisa, ulacaikwa munshila njemunya iyi.