1 Timoti 6:4 - Baibo Busansulushi Bwa Libuku Ili

⁴ ngushikulisumpula alimwi taaku nceeshi. Ono ulisunishibo kupikisha akwaambana pamaswi. Ici cilaletabo munyono, kupikishanya, matushi, kuyeeyela shibiibi

1 Timoti 6:4 Marejeleo ya Msalaba

Tushimpi 13:7

Bamwi bantu balalibonesha kubila, sombi kabatacite nabi comwi. Bamwi balalibonesha ayi mbakandu, sombi mbobacite buboni buunji abuumbi.

Tushimpi 25:14

Muntu ushomesha kupa shipo isho nsheshi akabule kupa ncakwiila uli anga ngamakumbi amuuwo isho shitaleti mfula.

Tushimpi 26:12

Muntu ulibeca kuba musongo kaateshi musongo ngumuluya kwiinda muluya wiinda pabaluya boonse.

Isaya 58:4

Peculu lya waawo, kulikasha kulya kwanu kuleela mukwaambana. Muloomana makoofi mukusebensesha maansaanu ayo atasalalite. Mulalyatilila bantu bamusebensela. Ono sa mutooyeeya ayi kulikasha kulya kwanu kwa mushobo uyu inga kwalengesha ayi nebo nyumfwe kusenga kwanu kwiculu?

Milimo ya Batumwi 15:2

Mpeeke Paulo aBanabasi bakapikishanya abuumbi ambabo pacikani ici. Paceebo ceeco, bashomi bakasuminishanya ayi Paulo, Banabasi alimwi abamwi ba muAntyoki baye kuJelusalemu mukubandika abatumwi alimwi abamatanjilili ba coonde pamakani aya.

Milimo ya Batumwi 18:15

Ono mukwiinga ngamakani aamba pamaswi, meena alimwi amulawo wanu, mulyeelete kulibonena nobeene. Nebo nshikoonshi koombolosha shintu shambuli sheeshi, sobwe!”

Milimo ya Batumwi 8:9

Mweeke umo mundabala, mwakalinga kwikala musankwa umwi wiitwa ayi Simoni. Musankwa uyu wakalinga muŋanga wakalinga kukankamika bene Samaliya akunoolibanda ayi ngumulemu.

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Bene Loma 14:1

Amutambule muntu uyo utana kushoma bunene, sombi mutamupikishi pamiyeeyo yakwe.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

1 Bene Kolinto 11:16

Ono na kuli weenga wayanda kupikishanya pacikani ici, inga ndaamba ayi swebo tatucite cimwi ncotushibite nabi cishibite bamushoonde shakwe Lesa shoonse.

1 Bene Kolinto 11:18

Kutaanguna ndakanyumfwa kwaamba ayi ndimubungana mushoonde shanu mulasalululana. Anebo ndasumina ayi cikani ici ncalushinisho paniini.

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

1 Bene Kolinto 3:3

Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?

2 Bene Kolinto 11:20

Ceebo mwebo mulakondwa bantu bamutola mubusha, na bamunyengelela shintu, na bamubeca, na bamulenga buluya nabi bamuuma mpaka kumeenso.

Bene Galatiya 5:15

Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.

Bene Galatiya 5:26

Tatweelete kunoolisumpula, kunookalashanya nabi kunoonyumfwilana munyono.

Bene Galatiya 6:3

Ono na umwi kaalisumpula, sombi kakutaaku mbwaabete, ingayi utoolibecabo mwiine.

Bene Filipi 1:15

Ncakwiila nkobali bamwi bashimikila pali Klistu mukwiinga wa munyono akusuna kupikishanya, sombi nkobali bamwi bashimikila amoyo woonse.

Bene Filipi 2:14

Amucite shintu shoonse cakutatongooka alimwi akupikishanya.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

1 Timoti 1:4

Ubalwiite batanoobika maano kutushimi ameena a bamashali bakulukulu ateeli. Ishi shilaletabo kupikishanya kwiinda kusumpula mulimo wakwe Lesa uyo ucitika kwiinda mulushomo.

1 Timoti 1:7

Bantu abo balayanda kuba bafundishi ba Milawo yakwe Lesa, sombi tabeshi ncebatokwaamba nabi ceeco ncebatoosumina cakutatonsha.

1 Timoti 3:6

Taaelete kuba muntu wakasanduka onoono mukwiinga cimwi ciindi inga walisumpula akupekwa mulandu mbuli Satana.

2 Timoti 2:14

Ono koibalusha bantu maswi aya, akubacenjesha pameenso akwe Lesa ayi kabataambanini pamaswibo. Tacicafwi, sombi cilakolonganyabo batookutika.

2 Timoti 2:23

Sombi ucileeke kupikishanya kwabuluya alimwi kwakubula lushibo ceebo ulishi ayi kulaletelabo kwaambana.

2 Timoti 3:4

Balaakuba bacenjeshi, batasakamani, baswitebo kulisumpula, basuni shakulikondelesha kwiinda kusuna Lesa,

Taitasi 3:9

Sombi webo swa kukupikishanya kwabuluya, makani amashalane, kwaambana akupikishanya shaMilawo ceebo ishi tashicafwi alimwi taaku mboshibete.

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

2 Pita 2:12

Sombi bantu aba balibo anga mbanyama batacite maano, bakalengelwa kucatwa akucaikwa. Balacobola shintu shoonse nshibatanyumfwishi. Balaakunyonyoolwa bweenka bunyonyoolwa banyama ba muluundu.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Judi 1:10

Sombi bantu aba balacobola cintu cili coonse ncebatanyumfwishi. Ono shintu isho nshebeshi kabotu mukusebensesha mibo yabunyama, nsheshintu sheshi shikabanyonyoole.

Judi 1:16

Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.

Ciyubululo 3:17

Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.