1 Timoti 6:19 - Baibo Busansulushi Bwa Libuku Ili

¹⁹ Mukucita boobo, balaakulibunjikila bubile ubo bweshi bukabe anga ndwiimbi luyumu lwa kuciindi citoosa. Lyalo balaakulicanina buumi, ee buumi bwancinencine.

1 Timoti 6:19 Marejeleo ya Msalaba

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

Tushimpi 10:25

Cipuupu ndicisa cilatolelesha abamucita shibi, sombi baluleme balacaala mobakeemikanina.

Tushimpi 31:25

Ngumwanakashi muyumu alimwi ulemekwa. Taalisukami ayi ciilo ndaakucita buyani.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Mateyo 19:21

Jesu wakamwaambila ayi, “Na ulisuni kuba muntu ululeme, koya ukoolishe shintu shoonse nshoocite. Maali ngweshi ucaneemo ukaabile bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Luka 16:9

Jesu wakatolelela kubaambila ayi, “Ntoomulwiita ayi amusebenseshe buboni bwa mucishi cino kwaamba ayi mucane beshicibusanyinaanu, buboni bwaakumana, bakamusekelele mumaanda atamaani.

Luka 18:2

Wakaamba ayi, “Kwakalinga moomboloshi mundabala imwi watakalinga kuloonda Lesa nabi kulemeka muntu.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Bene Efeso 3:17

Ntoosenga alimwi ayi kwiinda mulushomo ndomucite, Klistu ekale mumyoyo yanu, mucinke manungo mulusuno

Bene Filipi 3:12

Nshintokwaamba ayi ndashitambula kale, sombi ntoocica kwaamba ayi nkatambule shoolwe ishi mukwiinga ncaakancatila Klistu Jesu ayi mbe waakwe.

Bene Filipi 3:14

Aboobo ndacicila kushika kumeelelesho kwaamba ayi nkatambule cilambu kwiculu ncakatwiitila Lesa kwiinda muli Klistu Jesu.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

2 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa, wakatumwa kushimikila sha buumi mbotwashomeshekwa ubo mbotucite muli Klistu Jesu.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

1 Pita 1:4

Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.