1 Timoti 6:18 - Baibo Busansulushi Bwa Libuku Ili

¹⁸ Ubaambile ayi banoocita shibotu, kwaamba ayi babile mumicito ibotu. Balyeelete kuba bantu bapa camaansa obilo alimwi balibambite kupa bamwi shintu.

1 Timoti 6:18 Marejeleo ya Msalaba

2 Makani 24:16

Bakamubika kushuumbwe sha bamaami muNdabala yakwe Defedi ceebo ca shintu shibotu nshaakacitila bene Isilaeli, Lesa aŊanda yakwe.

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Shikushimikila 11:6

Koshanga mbuto yako macuunsa, utanookalabo ciindi ca macolesha. Webo tooshi mbuto yeshi ikaswitilile. Inga yaba ya macuunsa nabi ya macolesha. Cimwi ciindi mbuto shoonse shobilo inga shaba kabotu.

Shikushimikila 3:12

Ndishi kwaamba ayi taaku cintu ciinda kubota kumuntu kwiinda kwikala kaasangalala akucita shintu shibotu mubuumi bwakwe boonse.

Isaya 32:8

Sombi muntu ulemekwa ngooyo ushomeka, alimwi ushimpa mukusuminisha shiluleme.

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?

Mateyo 5:42

Aba cintu kumuntu woonse wakusenga alimwi uyo utooyanda kubweleka utamwiimi.

Luka 12:21

Mpeeke Jesu pakumanisha wakaamba ayi, “Mbweeke ubo mbocibete kubaabo balilundikila buboni, sombi tababiliteewo kuli Lesa.”

Luka 3:11

Lakwe wakabakumbula ayi, “Uyo ucite shakufwala shobilo apeewo comwi mubye utacite. Alakwe ucite shakulya acite bweenka ubo.”

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 11:29

Ono bashomi bakayeeya kwaamba ayi womwi awomwi atume lucafwo kubashominyinaabo bakalinga kwikala kuJudeya kweelana ambwaakalinga kukonsha.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Bene Loma 12:13

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Bene Loma 12:8

Na nkuyumya bashominyineesu, tulyeelete kucita bweenka ubo. Uyo woonse uteemi, ulyeelete kwaaba amoyo womwi. Na uli mutanjilili, ulyeelete kutanjilila cankusu alimwi na uli shinkumbu, ulyeelete kunyumfwila nkumbu cakusangalala.

1 Bene Kolinto 16:2

PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

2 Bene Kolinto 8:9

Mukwiinga mwebo mulishi luse lwa Mwaami wesu Jesu Klistu. Wakalinga mubile, sombi wakaba mukandu ceebo ca ndimwe kwaamba ayi mwebo mube babile mumushimu kwiinda mubukandu bwakwe.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

Bene Efeso 4:28

Muntu wakalinga mwiipi ateepi lyobilo, sombi atalike kusebensa amaansaakwe kwaamba ayi anoolicafwa akucafwako bapenshi.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

1 Pita 3:11

Ulyeelete kusanduka kuswa kushibiibi akutalika kucita shiluleme. Ulyeelete kuyandoola akukonkela luumuno

1 Joni 3:17

Na mubile wabona umwi utacite shiyandika mubuumi, sombi wabula kumucafwa, inga waamba buyani ayi lusuno lwakwe Lesa luli muli nguwe?

3 Joni 1:11

Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.