1 Timoti 6:16 - Baibo Busansulushi Bwa Libuku Ili

¹⁶ Lakwe eenkabo ngootafwi alimwi ngookala mumumuni utashikwa pafwaafwi. Taaku wakamubonawo kale alimwi taaku ukonsha kumubona. Bulemu abweendeleshi butamaani bube kuli nguwe lyoonse alyoonse. Ameni.

1 Timoti 6:16 Marejeleo ya Msalaba

Jobo 37:23

Ceebo ca nkusu shakwe shiinji swebo tulaalilwa kumusena pafwaafwi. Sombi lakwe uliluleme alimwi uloombolosha bantu cakutanyengelela.

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Kulonga 3:14

Mpomunyaawo Lesa wakaamba ayi, “NDIME WOOYO NGOOMBETE. Anu ulyeelete kubalwiita ayi, ‘Uyo wiitwa ayi NDIME wantuma kuli ndimwe.’

Kulonga 33:20

Teshi nkuboneshe ciwa cangu, ceebo taaku weenga wambona akutolelela kuba muumi,

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Abakuku 3:4

Bulemu bwakwe bwakalinga anga ndisuba litooswa. Mibengebenge yakaswa mumaansaakwe umo mwaakashisa nkusu shakwe.

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 14:9

Jesu wakakumbula ayi, “Ciindi kukomena ncendekalaanu, ono anu abobulya Filipo toona kwinshiba? Uyo wabona ndime wabona abaTa. Ono inga waamba buyani ayi, ‘Mututondeshe baIshiwanu’?

Joni 6:46

Taaku muntu wakabonaawo kale baTa, sombibo eenka uyo wakaswa kuli Lesa ngowakababona.

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

Bene Efeso 3:21

Coonde acimulemeke kwiinda muli Klistu Jesu mumashalane oonse, lyoonse alyoonse! Ameni.

Dutolonomi 32:40

Ndakonsha kutambika lyaansa kwiculu akushomesha cakulumbila ayi, mbocili lushinisho ayi nebo ndanooli muumi lyoonse,

Bene Filipi 4:20

Kuli Lesa Ishiwesu akube bulemu lyoonse alyoonse. Ameni!

Bene Kolose 1:15

Lesa utaboneki wakaboneka kwiinda muli Klistu. NgoMwanaakwe Lesa mutaanshi wiinda pashilengwa shoonse.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

Bene Ebulu 13:8

Jesu Klistu taasandooki. Bweenka mbwaakalinga ciilo, asunu mbwaabete alimwi mbweshi akabe myaaka yamuyayaya.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

1 Joni 1:5

Ono makani ngotwakanyumfwa kuMwanaakwe ayo ngotutoomushimikila, ngakwaamba ayi Lesa ngumumuni alimwi muli nguwe taamu munshinshe.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

1 Joni 4:12

Taaku muntu wakabonawo kale Lesa. Sombi na tulisunene, cilaamba ayi Lesa ulekala muli ndiswe alimwi lusuno lwakwe lulaboneka cancinencine muli ndiswe.

Judi 1:25

Kwiinda muli Jesu Klistu Mwaami wesu, atulumbaishe Lesa eenkabo Mupulushi wesu ayi abe abulemu, bwaami alimwi ankusu shakweendelesha kuswa kumatalikilo, bulya alimwi anshiiku shoonse shitoosa. Ameni.

Ciyubululo 1:6

Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.

Ciyubululo 1:8

“Nebo ndime Matalikilo alimwi aMamanino,” mbwaamba Mwaami Lesa Shinkusu shoonse, uyo uliiwo, wakalingaawo alimwi weshi akanooliiwo.

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”