1 Timoti 6:11 - Baibo Busansulushi Bwa Libuku Ili

¹¹ Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

1 Timoti 6:11 Marejeleo ya Msalaba

1 Baami 13:1

Ono Mwaami Lesa wakatuma mulaluki kuswa kucishi ca Juda kuya kuBetelo. Wakashika ciindi Jeloboamu ndyaakeemikana kucipaililo kwaamba ayi abenge mulambu uyo.

1 Baami 13:26

Mulaluki mucembele ndyaakanyumfwa cikani ico wakaamba ayi, “Uyo ngumulaluki utakwe kunyumfwila kukonkomesha kwa Mwaami Lesa! Mwaami Lesa watuma nkalamu yakwisa mukumuluma akumucaya, bweenka mbwaakaamba ayi ulaakucita.”

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

1 Baami 17:24

Mpeeke mukalubinje uyo wakakumbula ayi, “Ono ndashiiba ayi uli muntu wakwe Lesa alimwi ayi Mwaami Lesa ulaambila muli ndiwe!”

1 Baami 20:28

Lyalo mulaluki wakaya kumwaami Aabu akumwaambila ayi, “Mwaami Lesa waamba ayi, ‘Mukwiinga bene Silya batokwaamba ayi nebo ndi lesa wa mutulundu nshiishi lesa wa mushinyika, ntookupa nkusu shakukoma bashilumamba babo baanji kwaamba ayi webo abantu bako mwishibe ayi ndime Mwaami Lesa.’ ”

2 Baami 1:13

Lyalo mwaami wakatuma mutanjilili watatu abashilumamba bakalinga makumi osanwe. Wakatanta peculu pakalundu, wakafukama kunembo kuli Elija, akusenga ayi, “Omuntu wakwe Lesa nyumfwileko nkumbu pantu pomwi abantu bangu boonse. Utatucaayi!

2 Baami 1:9

Lyalo mwaami wakatuma mutanjilili wa bashilumamba pantu pomwi abashilumamba bakalinga makumi osanwe kuya mukucata Elija. Mutanjilili uyo wakamucana kashiite pakalundu akumwaambila ayi, “Omuntu wakwe Lesa, mwaami waamba ayi useluke.”

2 Baami 23:17

Mpeeke mwaami wakeepusha ayi, “Ino cuumbwe ici nceentoobona ncabaani?” Bene Betelo bakakumbula ayi, “Ncuumbwe ca mulaluki uyo wakalinga waswa kuJuda akulaluka isho shoonse nshewacita pacipaililo ici.”

2 Baami 5:20

Geyasi musebenshi wakwe Elisha wakalyaamboosha ayi, “Mwaami wangu waleka Naamani waya cakutalipilaawo nabi kaniini! Mbubo neenga watambula shalinga shabenga mwine Silya ulya. Bweenka mbocibete lushinisho ayi Mwaami Lesa ngumuumi, mbweeke ubo ntoomukonkela nje mbweseeko nakaceyi.”

1 Makani 23:14

Ono bana bakwe Mose, muntu wakwe Lesa, bakabelengelwa kubene Lefi.

2 Makani 8:14

Mukukonkela bwakamulwiita baishi baDefedi, Solomoni wakabika bapailishi mumakoto makoto ayi banoosebensa mumalishi malishi pantu pomwi abene Lefi ayi banoocita mulimo wakulumbaisha Lesa akunoocafwa bapailishi mumilimo yabo ya lyoonse. Wakapanga amakoto a beshikulindilila mwinjililo womwi awomwi ceebo Defedi, muntu wakwe Lesa, mbwaakaamba ubo.

Neyemiya 12:24

Bamatanjilili ba bene Lefi nguAshabiya, Shelebiya Jeshuwa mwanaakwe Kadimyelo. Bamatanjilili aba bakapansaanya bene Lefinyinaabo mumakoto. Makoto obilo akalinga kwiimba nyimbo shakulumbaisha akulumba Lesa cakukumbushanya paciindi comwi acomwi kweelana abwakaamba Defedi muntu wakwe Lesa.

Neyemiya 12:36

Pesule lyakwe pakalinga bamakwabo, nkokwaamba ayi Shemaya, Asalelo, Milalayi, Gilalayi, Mayi, Netanelo, Juda alimwi aAnani kabacite ashakulisha isho shakaamba Defedi muntu wakwe Lesa. Esila mufundishi wa Milawo ngowakalinga kutanjilila likoto ilyo.

Kulumbaisha 34:14

Ulyeelete kusanduka kuswa kushibiibi, akutalika kucita shiluleme. Ulyeelete kuyandoola akukonkela luumuno.

Kulumbaisha 38:20

Abo baboosha bubi pashibotu, balansebaanya ceebo cakuyanda kucita shiluleme.

Tushimpi 15:9

Mwaami Lesa ulipatite nshila sha mucita shibi, sombi ulisuni muntu ucita shintu shiluleme.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Jelemiya 35:4

Lyalo boonse ndakabaleta muŊanda ya Mwaami Lesa akubenjisha mucipinda ca bana bakwe Anani mwanaakwe Igidaliya muntu wakwe Lesa. Cipinda ici cakalinga kubambene acipinda ca bacinenenene. Cipinda ici cakalinga peculu lya cipinda cakwe Maseiya mwanaakwe Shalumu shikulindilila mulyango wa Ŋanda yakwe Lesa.

Bene Loma 14:19

Anu lyoonse tulyeelete kucita shintu shileta luumuno pabantu alimwi akucafwa bene Klistu kuyuma mulushomo.

1 Bene Kolinto 10:14

Ono aboobo nobamakwesu amusoonoke kukulambila shibumbwabumbwa.

1 Bene Kolinto 14:1

Amweeleshe cankusu kuba alusuno alimwi mubike myoyo yanu yoonse kushipo sha Mushimu Usalashi, bunene cipo cakwaamba maswi akwe Lesa.

1 Bene Kolinto 6:18

Bufuule kamubutalamuka. Shibiibi shimwi shoonse shicita muntu tashibishi mubili wakwe, sombi cibiibi ca bufuule cilabisha mubili wakwe mwiine.

Dutolonomi 16:20

Mwebo mukanokoombolosha bantu boonse cakutanyengelela, kwaamba ayi mukekalilile mucishi ico Mwaami Lesa, Lesa wanu ncaatoomupa.

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.

1 Timoti 1:14

Luse luunji lwa Mwaami wesu lwakaboneka kuli ndime pantu pomwi alushomo alimwi alusuno isho shicanika kwiinda muli Klistu Jesu.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

1 Timoti 6:20

Webo Timoti, kolama kabotu shoonse nshewakapekwa ayi ulame. Swa kumibandi italeti bulemu kuli Lesa alimwi akukupikishanya kwabuluya uko bantu nkobaamba cakubeca ayi ndushibo.

2 Timoti 2:21

Na muntu walisalasha akushiya shintu shitaluleme isho, ulaba mbuli cisebensesho ca ciindi ceelete mukwiinga walyaaba kuMwaami wakwe kwaamba ayi amusebenseshe mumicito ibotu ili yoonse.

2 Timoti 2:22

Ucileeke lunkumbwa lwa mubili lwa bwanike, ukonkelebo bululami, lushomo, lusuno aluumuno pantu pomwi abaabo basenga lucafwo kuMwaami Lesa amoyo utacite kampenda.

2 Timoti 3:10

Ono webo ulishi kabotu mboonjiisha, micito yangu, muyeeyo wangu, lushomo, bushimoyonteeka, lusuno, kutaboola pesule,

2 Timoti 3:17

Nkokwaamba ayi muntu utoosebensela Lesa abe wooyo ukonsha kucita micito ibotu ili yoonse.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

1 Pita 3:11

Ulyeelete kusanduka kuswa kushibiibi akutalika kucita shiluleme. Ulyeelete kuyandoola akukonkela luumuno

1 Samwelo 2:27

Mulaluki wakaya kuli Eli mukumwaambila makani akaamba Mwaami Lesa ayi, “Aloni mushali wanu mukulukulu ndyaakalinga muIjipiti mubusha kumwaami Falawo abamuŋanda yakwe, ndakaliyubulula kuli nguwe.

1 Samwelo 9:6

Musebenshi wakakumbula ayi, “Taanguna! Mundabala iyi muli muntu wakwe Lesa uyo ulemekwa abuumbi ceebo shoonse nshaamba shilacitika kweelana abwaamba. Atushikeeko mpashi inga watulwiita nkweenga twashicana mbongolo.”