1 Timoti 6:10 - Baibo Busansulushi Bwa Libuku Ili

¹⁰ Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

1 Timoti 6:10 Marejeleo ya Msalaba

Matalikilo 29:14

Labani wakaamba ayi, “Ee ncakwiila, uli bulowa bwangu.” Jakobo wakekalaako uko mweenshi wakabumbulu.

Matalikilo 29:26

Labani wakakumbula ayi, “Cilatonda kuno kweebesha mwanikebantu, munenebantu kaatana kweebwa.

Matalikilo 34:27

Kucaya ndikwakamana, bana bakwe Jakobo bamwi basankwa bakacita cimfulunganya mundabala, mukuboosha cishole pamusebaanyo ngobakacita pali nankashi yabo.

Matalikilo 38:16

Lyalo wakaya mpwaakalinga kulubasu lwa nshila akwiipusha ayi, “Ulalipilisha shongaye?” Ncakwiila taakalinga kwishi ayi wakalinga mulokashi wakwe. Wakakumbula ayi, “Ino mutoompanshi?”

1 Baami 2:40

wakatanta pambongolo yakwe akuya kuli Akishi kuGati mukuyandoola basha bakwe. Basha abo wakabacana akubaboosha kumishaabo.

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

Kulumbaisha 32:10

Bantu babiibi balyeelete kupenga, sombi abo bacinkite manungo muMwaami Lesa balaakunoofunwa ceebo ca lusuno lwakwe lutamaani.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Tushimpi 1:19

Aya ngomeelelesho a bantu boonse bakakatila kubilila mubwiipi. Ee, buboni bwa mushobo uyo bulakwempula buumi bwa babulangoola.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

Shikushimikila 2:19

Ino ngani ushi na muntu uyo ulaakunooli musongo nabi muluya? Nakubi boobo ulaakubwesa shintu shoonse nshendakayuwila pacishi ca panshi alimwi shakaswa mubusongo bwangu. Ici acalo taaku mbocibete.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Esekelo 16:33

Mufuule woonse ulapekwa maali, sombi webo ndiwe upa shipo kubaabo bakusuna, kubanyengelela ayi bese bacite bufuule awebo kuswa kumisena yoonse.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 6:19

“Mutanoolibikila bubile pacishi ca panshi pano, apo tubambala andalabwa mposhinyonyoola alimwi abeepi mpobenjila akwiipa.

Maako 4:19

sombi shintu sha mucishi ca panshi, kusuna bubile alimwi ashintu shimwi shakulikondelesha, shilafulunganya maswi akwe Lesa, aboobo tabacati shisepo.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 23:18

Anu taaku maali acanikwa munshila ya mushobo wooyo eenga aletwa muŋanda ya Mwaami Lesa ayi ngakucita kweelana akushomesha cakulumbila. Mulyeelete kwishiba ayi Mwaami Lesa, Lesa wanu ulipatite bafuule abo.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

1 Timoti 6:21

Ceebo balinga kwaamba ayi balilucite, ono paceebo ceeco baswa munshila ya lushomo. Luse lwakwe Lesa lube amwebo noonse.

1 Timoti 6:9

Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

2 Timoti 3:2

Ceebo bantu balaakuba beshikulisuna, beshikuyandisha buboni, beshikulilumbaisha, beshikulisumpula, beshimatushi, batanyumfwili bashali, bataluumbi, batasalalite,

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

Taitasi 1:11

Aba balyeelete kukashikwa mukwiinga batoonyonyonganya bamumaanda boonse mbobapolela kwiinda mukwiisha shintu isho nshebateelete. Balacita boobo kwaamba ayi babilile mpawo.

Jemusi 5:19

Nobamakwesu, na umwi pakati kanu waswa mulushinisho, ono mubye umwi wamuboosha,

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

Ciyubululo 18:13

Taaku eshi akoole tununkila kabotu mubuyani tupusenepusene, tununkila kabotu pakutenta, mule, waini, mafuta, fulaulo, witi, ŋombe, mbelele, maaki, shikoci alimwi basha, nkokwaamba ayi bantu boomi.