1 Timoti 5:8 - Baibo Busansulushi Bwa Libuku Ili

⁸ Sombi na muntu umwi taasuni kucafwa bamakwabo bunene bunene bamumukowa wakwe mwiine, wakaka lushomo lwakwe alimwi uleendaawo kuluba pamuntu utashomi.

1 Timoti 5:8 Marejeleo ya Msalaba

Matalikilo 30:30

Isho shiniini nshemwakalinga kucite kataanshi shafula abuumbi, alimwi Mwaami Lesa wamupa coolwe kuli koonse nkondakalinga kubete ceebo ca ndime. Ono bulya ndyeelete mbone shaangu anebo.”

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?

Mateyo 18:17

Ono na wakaka kubanyumfwila abalo, ulwiite bantu ba mucoonde. Ono na wakaka kunyumfwila abamucoonde boonse, amumucitebo anga ngumuntu wa kunsengwe nabi musonkeshi.

Mateyo 7:11

Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

Joni 15:22

Nintakwe kwisa mukubaiisha, naakwiinga tabacite mulandu pacibiibi cabo, sombi tabacite amwakuyubila.

1 Bene Kolinto 6:6

Sombi ncemucita ncakwaamba ayi, mushomi ulatola mushominyina kunkuta ya bantu bakunsengwe kwaamba ayi oomboloshekwe.

2 Bene Kolinto 12:14

Bulya luno ndwatatu ndoondibambite kumufwakashisha. Alimwi teshi nkamupensheewo ceebo nshintokweendela shintu shanu, sombi mwebo nobeene. Teshi baana beelete kubamba shiyanda bashali, sombi mbashali babamba shiyanda baana.

2 Bene Kolinto 6:15

Ino Klistu aMubiibi ulya inga basuminishanya buyani? Ino ono mushomi inga weendelana buyani autashomi?

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Ciyubululo 3:8

Utokwaamba ayi, ‘Milimo yako ndiishi. Ndakacalula cisasa kunembo lyako, ico muntu uli woonse nceenga taakoonshi kucala. Ndishi ayi ulicite nkusu shiniini, nakubi boobo wakonkela kwiisha kwangu, tookwe kunkakaawo.