1 Timoti 5:6 - Baibo Busansulushi Bwa Libuku Ili

⁶ Sombi mukalubinje mwanakashi walyaaba kushintu shakulisangalasha, wafwa kale nabi ngumuumi.

1 Timoti 5:6 Marejeleo ya Msalaba

Matalikilo 2:17

sombi kutalya shisepo sha cisamu cipa lushibo lwa bubotu abubi. Mukwiinga waakulyabo, ncakwiila ulaakufwa.”

Tushimpi 29:21

Na muntu wayolosha musebenshi wakwe kuswa kumatalikilo, kumeelelesho ulaakupyana buboni bwakwe boonse.

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Isaya 47:1

Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Jelemiya 6:2

Ndaakunyonyoola Siyoni, ndabala iyo ibotu abuumbi.

Malilo 4:5

Bantu abo bakalinga kulya shibotu, batalika kufwa nsala mumikwakwa. Bantu bakalinga kufwala shakufwala shamakwebo, sunu baloonabo mumilota kuntantaala.

Mateyo 8:22

Sombi Jesu wakamukumbula ayi, “Nkonkelebo, leka bafu bafukile bafunyinaabo.”

Luka 12:19

Ono ndaakulyaambila ayi, Ulicite buboni buunji bweshi bukabule kumana kwamyaaka iinji. Aboobo liibe, kolya, konwa akusekana.’

Luka 15:13

Kapatana kwiinda nshiku shiinji, mwanikebantu uyo wakoolisha buboni bwakwe akunyamuka lweendo kuya kucishi ca kulaale. Uko nkwaakaya, wakanyonyoola buboni bwakwe boonse mubwikaalo bubiibi.

Luka 15:24

Mukwiinga mwanaangu uyu wakalinga kufwite, ono waba muumi alimwi wakalinga kusowekete, ono wacanika.’ Lyalo bakatalika kusekelela.

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Luka 16:19

“Kwakalinga musankwa mubile wakalinga kufwala shakufwala shamakwebo uyo wakalinga kulya kabotu lyoonse.

Luka 7:25

Ino nciinshi ncemwakalinga mukubona? Sa ngumuntu wakalinga kufwete shakufwala shibotu? Tau, abo bafwala shakufwala shibotu, akwikala kabacite shintu shibotu shoonse shimwi, balekala mumaanda a bamaami.

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Efeso 2:5

Nakubi kwaamba ayi twakalinga kufwite mumushimu ceebo ca shibiibi shesu, wakatupa buumi pantu pomwi aKlistu. Mwakapulushikwa kwiinda muluse lwakwe Lesa.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

Dutolonomi 28:54

Paciindi ico amusankwa woonse uteekenye alimwi ucite nkumbu pakati kanu, teshi akabe ankuumbu pamukwabo ngwaakashalwaakwe lifumo lyomwi, mukaakwe usunikwi nabi bana bakwe abo beshi bakacaleewo.

Dutolonomi 28:56

Alakwe mwanakashi woonse uteekenye alimwi ucite nkumbu, mubile uyo utana kulyatawo kale panshi mububile bwakwe, ulaakucita mbomunya mbuli musankwa.

Bene Kolose 2:13

Mwebo kale kale mwakalinga kufwite mumushimu ceebo ca shibiibi shanu alimwi akutapalulwa kwa myoyo yanu. Sombi ono Lesa wamupa buumi pantu pomwi aKlistu. Peculu lya waawo wakatulekelela shibiibi shesu shoonse.

2 Timoti 3:6

Bamwi balenjila mumaanda a bantu akwiinda kumaano banakashi balefukite, abo balemenetwe mikuli ya shibiibi shabo alimwi beendeleshekwa alunkumbwa lwa mushobo uli woonse.

Jemusi 5:5

Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Ciyubululo 3:1

“Mutanjilili wa kucoonde ca kuSadisi umulembele ayi, “Aya ngamakani aamba wooyo ucite mishimu yakwe Lesa ili yosanwe ayobilo alimwi anyenyeenshi shili shosanwe ashobilo. Utokwaamba ayi, ‘Milimo yako ndiishi alimwi ulicite mpuwo ayi uli muumi, nakubi kwaamba ayi ulifwite.

1 Samwelo 15:32

Lyalo Samwelo wakaamba ayi, “Amundeteleeko Agagi mwaami wa bene Amaleki kuno.” Agagi wakesa kuli nguwe cakwaanguluka kaayeeya ayi shakufwa shakeenda kale.

1 Samwelo 25:6

Mumwaanshe ayi, ‘Luumuno lube awebo, bamuŋanda yako alimwi asheesho shoonse shaambwa ayi nshaako!’