1 Timoti 5:21 - Baibo Busansulushi Bwa Libuku Ili

²¹ Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

1 Timoti 5:21 Marejeleo ya Msalaba

Kulumbaisha 107:43

Muntu woonse musongo aanyumfwe shintu ishi akuyeeya palusuno lwa Mwaami Lesa lutamaani.

Kulumbaisha 119:34

Amumpe maano kwaamba ayi ndame milawo yanu, ee, kwaamba ayi nkeekonkele amoyo wangu woonse.

Tushimpi 18:5

Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.

Bene Lefi 14:42

Lyalo mabwe amwi alyeelete kusebenseshekwa pamusena wa aayo akaswaako alimwi akusebensesha bulongo bumwi bwakushingusha lubumbu.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Malaki 2:9

Aboobo, ndalengesha kwaamba ayi bantu boonse banoomunyansha akumuceesha mukwiinga tamukwe kukonkela kuyanda kwangu alimwi mukwiisha kwanu mulasalulula.”

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Luka 20:21

Bantu abo bakeepusha Jesu ayi, “Bafundishi, tulishi kwaamba ayi mulaamba akwiisha shiluleme. Tulishi kwaamba ayi mwebo tamusalululi, sombi muleeisha nshila yakwe Lesa calushinisho.

Luka 9:26

Paceebo ceeco uyo woonse unyumfwa nsoni ceebo ca ndime amaswi angu, alakwe MwanaaMuntu ulaakumunyumfwila nsoni pakwisa mubulemu bwakwe amubulemu bwa baIshi alimwi abwa baanjelo basalalite.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Dutolonomi 1:7

Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

1 Bene Tesalonika 5:27

Muliina lya Mwaami Jesu ndamwaambila ayi nkalata iyi mwiibelenge kubashomi boonse.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

2 Timoti 2:14

Ono koibalusha bantu maswi aya, akubacenjesha pameenso akwe Lesa ayi kabataambanini pamaswibo. Tacicafwi, sombi cilakolonganyabo batookutika.

2 Timoti 4:1

Pameenso akwe Lesa aKlistu Jesu, uyo eshi akoomboloshe boomi abafu alimwi ceebo cakwaamba ayi ulaakwisa mubwaami, ntoosenga cankusu ayi

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.