1 Timoti 5:19 - Baibo Busansulushi Bwa Libuku Ili

¹⁹ Utanoosumina cikani caambwa pamutanjilili wa coonde, sombibo na caletwa abakamboni bobilo nabi botatwe.

1 Timoti 5:19 Marejeleo ya Msalaba

Mateyo 18:16

Sombi na wabula kukunyumfwila, ambilaawo aumwi nabi bobilo uyaabo kwaamba ayi, ‘Makani aambwe pameenso a bakamboni bobilo nabi botatwe,’ kweelana ambokulembetwe mumaswi akwe Lesa.

Joni 18:29

Lyalo Pilato wakaswita pansengwe akuya kuli mbabo mukubeepusha ayi, “Ngumulandunshi ngoomutoopa muntu uyu?”

Joni 8:17

MuMilawo yanu mulilembetwe ayi bukamboni bwa bantu bobilo mbwalushinisho.

Milimo ya Batumwi 11:30

Ndibakamana kubunganya shipo shabo, bakapa Banabasi aSaulo ayi batole kubamatanjilili ba mucoonde ca kuJelusalemu.

Milimo ya Batumwi 25:16

Sombi nebo ndakabalwiita ayi swebo sobene Loma tatupi muntu mulandu shimulandunyina kaatapo. Ncibotu kwaamba ayi uyo utoopekwa mulandu akumane abaabo batoomupa mulandu munkuta kwaamba ayi aliimikanine mwiine.

2 Bene Kolinto 13:1

Ono luno ndwatatu ndoondibambite kwisa kooko kuli ndimwe. Malembo akwe Lesa alaamba ayi, “Makani oonse alyeelete kwiimikaninwa abakamboni bobilo nabi botatwe.”

Dutolonomi 17:6

Nacibi boobo, ulyeelete kucaikwa na paba bakamboni bobilo nabi botatwe beenga bamushinina. Teelete kucaikwa na palibo kamboni womwi.

Dutolonomi 19:15

“Kamboni womwi taakoonshi kulengesha ayi muntu umwi apekwe mulandu. Kulyeelete kuba bakamboni bobilo nabi botatwe ayi apekwe mulandu.

1 Timoti 4:14

Utasuuli cipo ico ncewakapekwa balaluki ndibakashimikila makani akwe Lesa, ciindi likoto lya bamatanjilili ndilyakabika maansa pali ndiwe.

1 Timoti 5:17

Ono bamatanjilili beendelesha coonde abo basebensa kabotu milimo yabo, balyeelete kulipilwa abuumbi, bunene bunene abo basebensa kabotu mukushimikila alimwi akwiisha.

Taitasi 1:6

Mutanjilili ulyeelete kuba muntu utacite kampenda, weebetebo mwanakashi womwi alimwi bana bakwe balyeelete kuba bashomi kuteshi bacite mpuwo yakucita shintu shibiibi nabi kutanyumfwa.

Bene Ebulu 10:28

Muntu woonse utakonkeli Milawo yakwe Mose, ulacaikwa cakubula nkumbu, na wacanikwa ayi ulicite mulandu kwiinda mubukamboni bwa bantu bobilo nabi botatwe.