1 Timoti 5:15 - Baibo Busansulushi Bwa Libuku Ili

¹⁵ Ceebo mpobali kale bamukalubinje banakashi bamwi basanduka akukonkela Satana.

1 Timoti 5:15 Marejeleo ya Msalaba

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

1 Timoti 1:20

Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.

2 Timoti 1:15

Ulishi kale kwaamba ayi boonse mucishi ca Esha bakampalangana, pakati kabo pali Figelasi alimwi aEmojenesi.

2 Timoti 2:18

Bakashiya nshila ya lushinisho alimwi batooya cikolonganya lushomo lwa bashomi bamwi kwiinda mukunokwaamba ayi kubushikwa kwesu kwakuswa kubafu kwakacitika kale.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

2 Pita 2:2

Bashomi baanji balaakukonkela micito yabo iyo ibiibi. Ono bakunsengwe pakubona boobo, balaakucobola Nshila ya lushinisho.

2 Pita 3:16

Aya ngomakani ngaambaawo mumakalata akwe oonse. Mumakalata akwe muli shintu shimwi shiyumu kunyumfwa. Bantu batacite lushibo alimwi abatana kuyuma mulushomo tabaasansululi kabotu, kweelana ambobacita Malembo akwe Lesa amwi. Mukucita boobo, balalinyonyoola beene.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.