1 Timoti 5:14 - Baibo Busansulushi Bwa Libuku Ili

¹⁴ Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

1 Timoti 5:14 Marejeleo ya Msalaba

Matalikilo 18:6

Abulaamu wakeenda cakufwambaana wenjila mutente akwaambila Saala ayi, “Endesha nyamuna fulaulo wako wiindaawo kubota upange shinkwa.”

Matalikilo 18:9

Lyalo beensu abo bakeepusha Abulaamu ayi, “Ino mukaako Saala uli kuli?” Wakakumbula ayi, “Mwaali mulya mutente.”

2 Samwelo 12:14

Nakubi boobo, ceebo cakwaamba ayi wanyansha Mwaami Lesa, mwaana musankwa ngoocitileemo utoofwa.”

Tushimpi 14:1

Mwanakashi musongo ulayaka bamuŋanda yakwe, sombi muluya uleemwaya kumilimo yakwe mwiine.

Jelemiya 29:6

Amweebe mukashale baana basankwa abanakashi. Mukeebele bana banu basankwa akweebesha bana banu banakashi kwaamba ayi abalo bakashalane. Amushalane mukafuule. Tamweelete kuceya.

Danyelo 6:4

Mpomunyaawo bacinenenene bamwi pantu pomwi abeendeleshi abo bakatalika kuyandoola mpweenga bapeta Danyelo mulandu munshila iyo njaakalinga kweendelesheshamo bwaami. Sombi bakaalilwa mukwiinga Danyelo wakalinga kushomeka alimwi taakwe kucitawo cilubite nabi cakutashomeka.

Bene Loma 14:13

Paceebo ceeco tatweelete kubona bene Klistunyineesu ayi mbeshikubisha. Sombi ncetweelete kucita nkuyeeya kwaamba ayi tutanoolengesha bene Klistunyineesu kubisha.

2 Bene Kolinto 11:12

Ntootolelela kucita nceentoocita bulya kwaamba ayi bamwi babule ceebo cakulilumbaisha, akwaamba ayi balacita mulimo uyu bweenka mbuli ndiswe.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

1 Timoti 4:3

Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.

1 Timoti 5:11

Sombi bamukalubinje banakashi bacanike mutababiki palembetwe bamwi ceebo na lunkumbwa lwa mubili lwabalengesha kuyanda kweebwa alimwi, balaswa kuli Klistu.

1 Timoti 6:1

Basha boonse balyeelete kupa bulemu bamaami babo kwaamba ayi bantu batacoboli liina lyakwe Lesa anshetwiisha.

Taitasi 2:5

kuba balitibuka, batacite kampenda, bapisooka paŋanda, bacite nkumbu, banyumfwila bameebaabo kwaamba ayi maswi akwe Lesa atacobolwi.

Taitasi 2:8

Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.