1 Timoti 4:1 - Baibo Busansulushi Bwa Libuku Ili

¹ Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

1 Timoti 4:1 Marejeleo ya Msalaba

Matalikilo 3:13

Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Jelemiya 23:26

Anu camushobo uyu citootola ciindi cilaamfu buyani mumyoyo ya balaluki babeshi abo beshi kulalukabo shakulibumbila?

Jelemiya 48:47

“Nakubi boobo ndaakulengesha bene Moabu kuswitilila alimwi munshiku shitoosa. Nebo neMwaami Lesa ndaamba.” Anu peenka apa mpopeela makani akoomboloshekwa kwa cishi ca Moabu.

Jelemiya 49:39

Nakubi boobo ndaakulengesha bene Alamu kuswitilila alimwi munshiku shitoosa. Nebo neMwaami Lesa ndaamba.”

Esekelo 1:3

maswi a Mwaami Lesa akashinkila nebo neEsekelo nemupailishi mwanaakwe Busi ndindakalinga kuMulonga wa Keba mucishi ca bene Babiloni. Uko nkusu shakwe shakanselukila.

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Danyelo 10:14

Ono ndesa mukukulengesha kunyumfwisha ceshi cikacitike kubene mishaanu kunembo. Ici ncili anga nciloto caamba pashintu sheshi shikacitike kunembo.”

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Mika 4:1

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Shakubelenga 24:14

Lyalo Balaamu wakaambila Balaki ayi, “Ono bulya ntooboolela kubene misheesu, sombi kaantana kuya, ntookucenjeshaako pashintu isho bene Isilaeli nsheshi bakacite kubantu bako munshiku shitoosa.”

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Luka 17:1

Jesu wakaambila bashikwiiya bakwe ayi, “Shintu shilengesha muntu kubisha shilyeelete kucitika, sombi mapensho kuli wooyo ulengesha ayi shicitike.

Joni 16:13

Ono Mushimu wiisha lushinisho pakwisa, lyalo ulaakumutanjilila mushintu shoonse shalushinisho. Ceebo teshi akaambe shaakwe mwiine, sombi ulaakusansulula sheesho nshaakanyumfwa kuli baTa alimwi akumulwiita shintu nsheshi shikese kunembo.

Milimo ya Batumwi 13:2

Ndibakalinga kupaila akulikasha kulya, Mushimu Usalashi wakabaambila ayi, “Amubenge Banabasi aSaulo kwaamba ayi bansebensele mulimo ngondakabasalila.”

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

Milimo ya Batumwi 20:23

Ndishibo kwaamba ayi mundabala yoonse inene, Mushimu Usalashi ulancenjesha ayi ntolongo amapensho shilanindilila.

Milimo ya Batumwi 21:11

Lyalo wakesa kuli ndiswe akubwesa laamba wakwe Paulo, akulyaanga kumaansa akumyeendo akwaamba ayi, “Mushimu Usalashi utokwaamba ayi, ‘Mwine laamba uyu baJuda balaakumwaanga muJelusalemu bweenka mbondalyaanga akumwaaba mumaansa a baswamashi bakunsengwe.’ ”

Milimo ya Batumwi 28:25

Ono kabatana kupalangana akunooya cipikishanya beene abeene, Paulo wakaamba maswi akweelaako ayi, “Ncakwiila Mushimu Usalashi wakaamba kabotu ndiwakatanjilila mulaluki mukulukulu Isaya kulwiita bamashali besu bakulukulu

1 Bene Kolinto 10:20

Sobwe, sombi ntokwaamba ayi shipo shipekwa pashipaililo sha bakunsengwe shilapekwa kubashikaswa kuteshi kuli Lesa. Ono nebo nshisuni kwaamba ayi mwebo munoocatana abashikaswa.

1 Bene Kolinto 11:19

Ndushinisho palyeelete kuba kusalululana pakati kanu kwaamba ayi abo bali mubululami baboneke patuba.

1 Bene Kolinto 12:11

Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.

1 Bene Kolinto 2:10

Sombi Lesa wakatuyubulwita sheeshi kwiinda muMushimu Usalashi. Ceebo Mushimu Usalashi ngooshi shintu shoonse nabi miyeeyo yakwe Lesa ya bushishi.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Dutolonomi 32:29

Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.

Dutolonomi 4:30

Mwaakuba mumapensho alimwi shoonse ishi shaakucitika, lyalo mulaakupilukila kuMwaami Lesa, Lesa wanu akumunyumfwila.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

2 Timoti 4:4

Balaakufutata kwaamba ayi batanyumfwi shalushinisho akukonkela tulabi.

Jemusi 3:15

Ceebo busongo bwa mushobo uyu tabuswi kwiculu. Bulaswa mucishi ca panshi, mbwa buntu alimwi mbwa bushikaswa.

1 Pita 1:20

Lesa wakasalilabo limwi Klistu cishi kacitana kulengwa alimwi ceebo ca ndimwe wakalengesha ayi mumubone ciindi cino cakumeelelesho.

2 Pita 2:1

Kwakalinga balaluki babeshi pakati ka bene Isilaeli, alimwi mbweekoobo apakati kanu palaakuba bafundishi babeshi. Cabushishi, balaakuleta njiisho shifulungene alimwi shinyonyoola, akukaka Mwaami wabo wakabalubula. Mukucita boobo, balaakuliletela kunyonyoolwa kwalubilo.

2 Pita 3:3

Cinene ncemweelete kwishiba ncakwaamba ayi munshiku shino shakweelaako, kulaakwisa bantu beshikumuseka abo beendeleshekwa alunkumbwa lwa mibili yabo.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 4:6

Sombi swebo tuli bakwe Lesa. Uyo woonse ushi Lesa ulatunyumfwila alimwi uyo woonse uteshi wakwe Lesa taatunyumfwili. Anu mboboobo mbotupusanya Mushimu wancinencine awa bubeshi.

Judi 1:18

Bakamulwiita ayi, “Munshiku shakweelaako, kulaakuba bantu beshibakanoomuseka akukonkela shibiibi shiyanda mibili yabo.”

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 16:14

Aba mbobashikaswa bacita shaankamiko. Bashikaswa botatwe aba balaya kubamaami boonse ba mucishi ca panshi mukubayobolola kwaamba ayi bakalwaane pabushiku bunene bwakwe Lesa Shinkusu shoonse.

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.

Ciyubululo 18:23

Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 2:11

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, lufu lwabili teshi lukamukumyeewo.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Ciyubululo 2:29

“Uyo ucite matwi, aanyumfwe sheesho Mushimu Usalashi nshootokwaambila shoonde.

Ciyubululo 2:7

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumusuminisha kulya shisepo sha kucisamu cipa buumi cili kuMusena ukondelesha wakwe Lesa.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Ciyubululo 20:8

Lyalo ulaakutalika kucenjeeka mishobo ya bantu ba mucishi coonse ca panshi, nkokwaamba ayi bantu beetwa ayi Gogi alimwi aMagogi. Satana ulaakubabunganya pantu pomwi ayi atalike kulwana. Bantu aba balaakunoolibo anga ngumuseese wa muloombe lwa lweenge kufula.

Ciyubululo 3:13

“Uyo ucite matwi, aanyumfwe sheesho Mushimu Usalashi nshootokwaambila shoonde!

Ciyubululo 3:22

“Uyo ucite matwi, aanyumfwe sheesho Mushimu Usalashi nshootokwaambila shoonde!”

Ciyubululo 3:6

“Uyo ucite matwi, aanyumfwe sheesho Mushimu Usalashi nshootokwaambila shoonde!

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.