1 Timoti 3:16 - Baibo Busansulushi Bwa Libuku Ili

¹⁶ Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Timoti 3:16 Marejeleo ya Msalaba

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Mateyo 13:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwa kwiculu, sombi balo tabakwe kupekwa.

Mateyo 28:2

Mpeeke kwakacitika citentanshi cinene ceebo munjelo wa Mwaami wakaseluka kuswa kwiculu wakunkulusha libwe lyakalinga kucuumbwe akwikalaawo.

Mateyo 3:16

Jesu ndyaakamanabo kubombekwa wakaswa mumaanshi. Mpomunyaawo liculu lyakacaluka, lyalo wakabona Mushimu wakwe Lesa kauselukila pali nguwe anga nimpolobe.

Mateyo 4:11

Mpomunyaawo Mubiibi wakaswaawo, lyalo baanjelo bakesa batabatila Jesu.

Maako 1:13

umo mwaakekala nshiku makumi one kaasunkwa aSatana. Wakekala muluyanga mwikala banyama, lyalo baanjelo bakamutabatila.

Maako 16:19

Mwaami Jesu ndyaakamana kwaambaabo, wakatolwa kwiculu akuya mukwikala kululyo lwakwe Lesa.

Maako 16:5

Ndibakenjila mucuumbwe, bakabona musankwa kaashite kululyo lwabo, kaafwete cisani cituba. Mpeeke bakaloonda.

Luka 2:32

Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”

Luka 20:44

Na Defedi mwiine wakamwiita ayi ‘Mwaami’, ino Usalitwe wakwe Lesa inga washalwa buyani mulunyungu lwakwe alimwi?”

Luka 22:43

Mpomunyaawo munjelo wakesa kuswa kwiculu akumuyumya.

Luka 24:4

Kabacikankamana pacikani ici, kwakaboneka basankwa bobilo bakalinga kufwete shakufwala shimweka kabeemfwi pafwaafwi ambabo.

Luka 24:51

Mpeeke kaacibapa coolwe wakapansaana abo, watolwa kwiculu.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

Joni 15:26

“Ono aakwisa Mucafwi, ngweshi nkamutumine kuswa kuli baTa, Mushimu wiisha shalushinisho uyo uswa kuli baTa, ngweshi akasansulule shapali ndime.

Joni 16:28

Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”

Joni 17:5

Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.

Joni 20:12

Mpeeke wakabona baanjelo bobilo kabafwete shituba. Bakalinga kushiite pakalinga mutuntu wakwe Jesu, umwi kumitwi aumwi kumitandabilo.

Joni 6:62

Ino inga caba buyani na mwabonabo MwanaaMuntu waboolela kwiculu nkwaakalinga kataanshi?

Milimo ya Batumwi 1:19

Bantu boonse bakalinga kwikala muJelusalemu bakaanyumfwa makani aya, aboobo muunda uyo mumulaka wabo bakootumba ayi Akeludama, nkokwaamba ayi, “Muunda wa bulowa.”)

Milimo ya Batumwi 10:34

Mpomunyaawo Pita wakatalika kubaambila ayi, “Ono ndeshiiba calushinisho ayi Lesa taasalululi,

Milimo ya Batumwi 14:27

Ndibakashika muAntyoki, bakabunganya bashomi boonse. Mpeeke bakabasansulwita shoonse Lesa nshaakacita kwiinda muli mbabo alimwi ambwaakabonesha nshila baswamashi bakunsengwe ayi bashome.

Milimo ya Batumwi 20:28

Nkokwaamba ayi mulyeelete kulilama kabotu nobeene akulama likoto lya bantu abo Mushimu Usalashi mbowakamupa ayi mulame. Amweembele kabotu coonde cakwe Lesa, abo mbwaakapulusha ayi babe baakwe kwiinda mulufu lwa Mwanaakwe.

Bene Loma 10:12

Taapu bupusano pabaJuda abaswamashi bakunsengwe mukwiinga Lesa womwi uyo ngoMwaami wabo boonse alimwi ulapa shoolwe boonse abo bamusenga.

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

Bene Loma 3:4

Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi, “Kulilabo na waamba, bantu balyeelete kwishiba ayi nshalushinisho. Alimwi lyoonse ulyeelete kucanikwa ayi toocite mulandu pakukoombolosha.”

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Bene Loma 9:5

Balo bakaswa mucishiko ca mishobo yoonse ya bene Isilaeli. Alakwe Klistu kwiinda mukushalwa kwabuntu ngwa mumushobo wabo. Aalumbaishikwe lyoonse Lesa uyo weendelesha shintu shoonse. Ameni.

1 Bene Kolinto 15:47

Adamu mutaanshi wakalinga wa pacishi ca panshi alimwi wakaswa kubulongo, sombi Adamu wabili, wakaswa kwiculu.

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

2 Bene Kolinto 1:19

Ceebo Jesu Klistu Mwanaakwe Lesa uyo Sailasi, Timoti anebo ngotwakashimikila pakati kanu, teshi “Ee” nabi ayi, “Sobwe” paciindi comwi, sombi lakwe lyoonse ngu “Ee” wakwe Lesa.

Bene Galatiya 2:8

Mukwiinga Lesa uyo wakalengesha ayi Pita abe mutumwi kubaJuda munkusu shakwe, ngowakalengesha anebo ayi mbe mutumwi kubaswamashi bakunsengwe.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Efeso 6:19

Anebo kamumpaililaako kwaamba ayi andwiite maswi ngoonjelete kwaamba pakushimikila, ayi nshibishe bantu isho shakalinga kushisitwe paMakani Abotu cakutaloonda.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

2 Bene Tesalonika 2:7

Bulya bantu batoocita kale bubi alimwi inga twabushibabo ceebo ca sheesho nshaakayubulula Lesa. Sombi uyo utoolengesha ayi butacitiki patuba utootolelela kucita boobo kushikila Lesa akamukusheewo.

1 Timoti 3:9

Balyeelete kuba bantu bacatite camaansa obilo kulushinisho lwakayubululwa lwa lushomo amiyeeyo iluleme.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 7:7

Aboobo muntu uli woonse ulishi kwaamba ayi muntu upa coolwe ngumunene kwiinda wooyo utoopekwa coolwe.

Bene Ebulu 8:1

Makani eene eene ngakwaamba ayi tulicite Mupailishi Munene wa mbuli wooyu, uyo ushiite kululyo lwa cuuna ca bwaami cakwe Lesa Wiindaawo kwiculu.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

1 Pita 1:20

Lesa wakasalilabo limwi Klistu cishi kacitana kulengwa alimwi ceebo ca ndimwe wakalengesha ayi mumubone ciindi cino cakumeelelesho.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

1 Joni 1:2

Buumi ubu bwakayubululwa, mpeeke twakabubona. Tutoomwishibisha akumusansulwita shabuumi butamaani ubo bwakalinga aIshiwesu alimwi akuboneka kuli ndiswe.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

Ciyubululo 17:5

Pankumo yakwe, pakalinga kulembetwe liina lya busansulushi bushisitwe lyakwaamba ayi, “Babiloni munene, mushali wa bafuule boonse alimwi amicito yoonse ilensha nsoni ya mucishi ca panshi.”

Ciyubululo 17:7

Lyalo munjelo uyo wakanjipusha ayi, “Ino wakankamananshi? Ntookusansulwita bushishi bwa pamwanakashi uyu alimwi amunyama uyu ngwaatantiteewo ucite mitwi yosanwe ayobilo alimwi ameeca ali likumi.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.