1 Timoti 1:5 - Baibo Busansulushi Bwa Libuku Ili

⁵ Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

1 Timoti 1:5 Marejeleo ya Msalaba

Kulumbaisha 24:4

Ngooyobo ucita shisalalite, utacite cibiibi mumoyo. Ngooyo utalambili shibumbwabumbwa, nabi kubeca pakushomesha cakulumbila.

Kulumbaisha 51:10

NobaLesa, amulenge moyo usalalite muli ndime. Mubike moyo upya ushomeka muli ndime.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Sefaniya 3:7

Ndakaambila ndabala iyo ayi, ‘Ncakwiila ulaakunoonda kushikila ukasumine kululamikwa!’ Mukucita boobo ndabala iyo teshi ikanyonyoolwe alimwi teshi nkeepe mulandu weelete, sombi balisuni kubisha muli shoonse isho nshebacita.”

Mateyo 12:35

Muntu uli kabotu ulaamba shintu shibotu isho shili mumoyo wakwe, alakwe muntu mubiibi ulaamba shibiibi shili mumoyo wakwe.

Mateyo 5:8

“Balicite coolwe abo basalalite mumyoyo, mukwiinga balaakubona Lesa.

Milimo ya Batumwi 15:9

Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Bene Loma 10:4

Mukwiinga Klistu ngowakamanisha nkusu sha Milawo kwaamba ayi uli woonse ushoma, alulamikwe pameenso akwe Lesa.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Bene Loma 14:15

Na ncoolya cilalengesha muKlistunyoko kubisha, nkokwaamba ayi micito yako taitootanjililwa alusuno. Utanyonyooli bantu abo Klistu mbwaakafwita mukulya kwako.

Bene Loma 9:1

Nshentokwaamba nshalushinisho alimwi nshibeci ceebo ndi wakwe Jesu Klistu. Moyo wangu, uyo weendeleshekwa aMushimu Usalashi, awalo ulandwiita ayi nshintoobeca

1 Bene Kolinto 13:1

Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

1 Timoti 1:18

Timoti omwanaangu, ndakupa milasho iyi kweelana amaswi a balaluki akaambwa pali ndiwe kwaamba ayi kwiinda mukwaakonkela, ukalwaane nkondo ibotu,

1 Timoti 1:19

akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

1 Timoti 3:9

Balyeelete kuba bantu bacatite camaansa obilo kulushinisho lwakayubululwa lwa lushomo amiyeeyo iluleme.

2 Timoti 1:3

Ndalumba Lesa uyo ngoonsebensela amiyeeyo iluleme bweenka bwakalinga kucita bamashali bangu basankwa bakulukulu. Ndamulumba lyoonse ndinkuyeeya mumipailo yangu mashiku amalumwi.

2 Timoti 1:5

Ndeebaluka lushomo lwako lwancinencine. Lushomo ulo lwakalinga muli bankambiyako banakashi baLoisi abanyoko baYunisi, alimwi ndishi kwaamba ayi moluli amuli ndiwe.

2 Timoti 2:22

Ucileeke lunkumbwa lwa mubili lwa bwanike, ukonkelebo bululami, lushomo, lusuno aluumuno pantu pomwi abaabo basenga lucafwo kuMwaami Lesa amoyo utacite kampenda.

Taitasi 1:15

Shintu shoonse shilisalalite kubantu basalalite, sombi kubaabo batasalalite akutashoma, shintu shoonse tashisalalite, mukwiinga miyeeyo amyoyo yabo njibiibi.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Ebulu 13:18

Amutolelele kutupaililaako. Tulishinishite ayi mumiyeeyo yesu taamu cilubo mukwiinga tulisuni kucita shiluleme ciindi coonse.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

2 Pita 1:7

Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.