1 Timoti 1:19 - Baibo Busansulushi Bwa Libuku Ili

¹⁹ akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

1 Timoti 1:19 Marejeleo ya Msalaba

Mateyo 6:27

Ono ngani pali ndimwe weenga walinungilako buumi napaceyi kwiinda mukulisukama pashintu ishi?

1 Bene Kolinto 11:19

Ndushinisho palyeelete kuba kusalululana pakati kanu kwaamba ayi abo bali mubululami baboneke patuba.

Bene Galatiya 5:4

Ono mwebo nomusuni kululamikwa pameenso akwe Lesa kwiinda mukukonkela Milawo, mwamanisha cibusa calinga pakati lyanu alimwi aKlistu. Aboobo mwakaswa muluse lwakwe Lesa.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

1 Timoti 3:9

Balyeelete kuba bantu bacatite camaansa obilo kulushinisho lwakayubululwa lwa lushomo amiyeeyo iluleme.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

1 Timoti 6:21

Ceebo balinga kwaamba ayi balilucite, ono paceebo ceeco baswa munshila ya lushomo. Luse lwakwe Lesa lube amwebo noonse.

1 Timoti 6:9

Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

2 Timoti 2:18

Bakashiya nshila ya lushinisho alimwi batooya cikolonganya lushomo lwa bashomi bamwi kwiinda mukunokwaamba ayi kubushikwa kwesu kwakuswa kubafu kwakacitika kale.

2 Timoti 4:4

Balaakufutata kwaamba ayi batanyumfwi shalushinisho akukonkela tulabi.

Taitasi 1:9

Ulyeelete kucata camaansa obilo kumakani ashomeka kweelana ambwaakeeishikwa, ayi ayumyeyumye bamwi kwiinda mulushinisho alimwi akululika baabo balupikisha.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

Ciyubululo 3:3

Ibaluka ico ncewakeeishikwa ancewakanyumfwa, kuswawaawo ucikonkele akusanduka kuswa kushibiibi shako. Na ubule kubuka, ndaakwisa anga ngumwiipi alimwi teshi ukeshibeewo aciindi nceshi nkakupolele.

Ciyubululo 3:8

Utokwaamba ayi, ‘Milimo yako ndiishi. Ndakacalula cisasa kunembo lyako, ico muntu uli woonse nceenga taakoonshi kucala. Ndishi ayi ulicite nkusu shiniini, nakubi boobo wakonkela kwiisha kwangu, tookwe kunkakaawo.