1 Timoti 1:17 - Baibo Busansulushi Bwa Libuku Ili

¹⁷ Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

1 Timoti 1:17 Marejeleo ya Msalaba

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

Neyemiya 9:5

Bene Lefi nkokwaamba ayi Jeshuwa, Kadimyelo, Bani, Ashabineiya, Shelebiya, Odiya, Shebaniya alimwi aPetayiya bakaambila bantu ayi, “Amunyamuke mulumbaishe Mwaami Lesa, Lesa wanu. Amumulumbaishe kwalyoonse alyoonse. Bantu boonse abalumbaishe liina lyakwe lyabulemu, nakubi kwaamba ayi muntu taakoonshi kulilumbaisha cakulishishaawo.”

Kulumbaisha 10:16

Ono Mwaami Lesa, nguMwaami lyoonse alyoonse. Abo balambila balesa bamwi balaakuloba mucishi cakwe.

Kulumbaisha 106:48

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Bantu boonse abaambe ayi, “Ameni!” Aalumbaishikwe Mwaami Lesa!

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Kulumbaisha 41:13

Aalumbaishikwe Mwaami Lesa, Lesa wa bene Isilaeli, aalumbaishikwe lyoonse alyoonse. Ameni alimwi ameni.

Kulumbaisha 45:1

Moyo wangu uliswitebo maswi abotu, ndilibambite kwiimbila mwaami. Mulaka wangu ulibo anga ncakulembesha ca shikulemba ucibwene.

Kulumbaisha 45:6

Bwaami ubo bwakamupa baLesa mbwa lyoonse alyoonse. Mubweene bwanu mulaakweendelesha bantu banu cabululami.

Kulumbaisha 57:11

NobaLesa amutondeshe nkusu shanu mwiculu, bulemu bwanu abuboneke pacishi ca panshi coonse!

Kulumbaisha 90:2

Tulundu kamutana kutulenga, ee, cishi kamutana kucibikaawo, mwebo muli baLesa kuswabo lili alili, alimwi munanoolibo baLesa kwamuyayaya.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Joni 1:18

Taaku muntu wakabonaawo kale Lesa, sombi Mwanaakwe wakashalwabo eenka, uyo usunikwi abuumbi abaIshi, ngowakalengesha ayi ashibikwe.

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Bene Loma 1:20

Kuswabo lyeelyo Lesa ndyaakalenga cishi, bantu balakonsha kwishiba cakutatonsha kwaamba ayi nkusu shakwe tasheeli alimwi ayi ndushinisho nguLesa. Bantu balakonsha kwishiba shintu ishi kwiinda musheesho nshaakalenga. Aboobo taaku mpweenga bayubila mulandu.

Bene Loma 1:23

Bakacileka kulambila Lesa utafwi, balalambila shibumbwabumbwa shiboneka anga mbantu bafwa nabi bayuni, banyama ba muluundu, ntaale ashintu shimwi sha mushobo uyo.

Bene Loma 11:36

Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!

Bene Loma 16:27

Kuli Lesa womwibo uyo ucite busongo mushintu shoonse, akube bulemu lyoonse kwiinda muli Jesu Klistu. Ameni.

Bene Loma 2:10

Sombi ulaakulumbaisha akulemeka alimwi akupa luumuno abo bacita shiluleme, kutaanguna baJuda, pesule baswamashi bakunsengwe.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Kolose 1:15

Lesa utaboneki wakaboneka kwiinda muli Klistu. NgoMwanaakwe Lesa mutaanshi wiinda pashilengwa shoonse.

Bene Ebulu 11:27

Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.

Bene Ebulu 2:7

Paciindi ciniini mwakamuceesha kwiinda baanjelo banu, sombi bulya mwamupa bulemu abwaami

1 Pita 5:11

Kuli nguwe kube nkusu shakweendelesha lyoonse alyoonse! Ameni.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

1 Joni 4:12

Taaku muntu wakabonawo kale Lesa. Sombi na tulisunene, cilaamba ayi Lesa ulekala muli ndiswe alimwi lusuno lwakwe lulaboneka cancinencine muli ndiswe.

Judi 1:25

Kwiinda muli Jesu Klistu Mwaami wesu, atulumbaishe Lesa eenkabo Mupulushi wesu ayi abe abulemu, bwaami alimwi ankusu shakweendelesha kuswa kumatalikilo, bulya alimwi anshiiku shoonse shitoosa. Ameni.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:1

Ndishakeenda shoonse ishi, ndakanyumfwa cakalinga kunyumfwika anga nciyobeyobe cinene ca bantu baanji kwiculu kabaamba ayi, “Aalumbaishikwe Lesa! Lupulusho, bulemu alimwi ankusu shoonse nshakwe Lesa wesu!

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”