1 Timoti 1:16 - Baibo Busansulushi Bwa Libuku Ili

¹⁶ Sombi nceceeco Lesa ncaakanyumfwila nkumbu kwaamba ayi kwiinda muli ndime, nemucita shibi wiindaawo, Klistu Jesu atondeshe bushimoyonteeka buteeli. Wakacita boobo kwaamba ayi mbe citondesho kubaabo boonse beshi bakashome muli nguwe akutambula buumi butamaani.

1 Timoti 1:16 Marejeleo ya Msalaba

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

Kulumbaisha 25:11

Ono ceebo ca ndimwe noBaami baLesa amulekelele bubi bwangu nabi mbuunji.

Kulonga 34:8

Mpeeke Mose wakeendililabo kufukama cakushisha ciwa panshi akulambila.

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Shakubelenga 23:3

Lyalo Balaamu wakaambila Balaki ayi, “Imikana waano pali mulambu wako wakutenta nebo ndyenciya mukubona na Mwaami Lesa utoonkumanya nabi taau. Ntookulwiita cili coonse nceshi anjubulwita.” Aboobo wakaya eenka peculu pakalundu,

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 23:43

Lyalo Jesu wakamwaambila ayi, “Ncakwiila ntookulwiita ayi sunu lyeenka utooba anebo muMusena ukondelesha.”

Luka 7:47

Aboobo ntookulwiita ayi shibiibi shakwe nashifuuli shalekelelwa mukwiinga watondesha lusuno lunene. Nkokwaamba ayi uyo woonse walekelelwa paniini ulatondesha lusuno luniini.”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 3:36

Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”

Joni 5:24

“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Joni 6:54

Uyo woonse ulya mubili wangu akunwa bulowa bwangu, ulicite buumi butamaani alimwi ndaakumubusha kuswa kubafu pabushiku bwakweelaako.

Milimo ya Batumwi 13:39

Alimwi mulyeelete kwishiba ayi, muntu woonse ushoma muli Jesu ulaangululwa kuswa mushibiibi shoonse, umo Milawo yakwe Mose moyakalinga kwaalilwa kumukusha.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

Bene Loma 6:23

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

1 Bene Kolinto 7:25

Ono kweelana amwiipusho ngomwakeepusha pabanakashi batana kweebwa, nshiciteewo mulawo uswa kuMwaami Jesu. Sombi ntoopabo muyeeyo wangu kweelana mboondi muntu weelete kushomekwa ceebo ca nkumbu sha Mwaami.

2 Bene Kolinto 4:1

Paceebo ceeco tatubooli pesule ceebo tulishi kwaamba ayi Lesa wakatupa mulimo uyu kwiinda munkumbu shakwe.

Bene Efeso 1:12

Wakalinga kusuni kwaamba ayi swebo sotwakataanguna kulangila Klistu, tulumbaishe bulemu bwakwe Lesa.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.