1 Timoti 1:15 - Baibo Busansulushi Bwa Libuku Ili

¹⁵ Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

1 Timoti 1:15 Marejeleo ya Msalaba

Jobo 42:6

Aboobo ndicite nsoni abuumbi pamakani ngondakaamba, Ndasanduka kuswa kushibiibi shangu akwalabangana mulusuko amumilota.”

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 18:11

Ceebo MwanaaMuntu wakesa mukupulusha basowekete.]

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Maako 2:17

Ndyaakanyumfwa mwiipusho wabo, Jesu wakabaambila ayi, “Teshi bantu bayumu balangoola mushiliki, sombi balwashi beenka. Nshikwe kwisa mukwiita baluleme, sombi bamucita shibi.”

Luka 15:2

Mpomunyaawo baFalisi abafundishi ba Milawo bakatalika kutongooka akwaamba ayi, “Uyu muntu ulatambula buyani bantu batakonkeli Milawo yakwe Mose akulyaabo?”

Luka 19:10

Ceebo MwanaaMuntu wakesa mukuyandoola akupulusha basowekete.”

Luka 5:32

Nshikwe kwisa mukwiita baluleme, sombi bamucita shibi kwaamba ayi basanduke kuswa kushibiibi shabo.”

Joni 1:12

Sombi kubaabo boonse bakamutambula akumushoma, wakabapa nkusu shakuba bana bakwe Lesa.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Joni 12:47

Na muntu wanyumfwa maswi angu, nakubi boobo wabula kwaakonkela teshi nkamoomboloshe mukwiinga nshina kwisa mukoombolosha bantu, sombi mukubapulusha.

Joni 3:36

Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”

Milimo ya Batumwi 11:1

Mpomunyaawo batumwi alimwi abashomi bamwi ba mucishi ca Judeya coonse bakanyumfwa ayi baswamashi bakunsengwe bamwi abalo bakashoma mumaswi akwe Lesa.

Milimo ya Batumwi 11:18

Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”

Bene Loma 11:14

Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo.

Bene Loma 5:6

Katutacite nkusu, Jesu wakatufwita swebo sobamucita shibi paciindi Lesa mwiine ncaakasala.

1 Bene Kolinto 15:9

Ceebo nebo nshiindi mutumwi nabi womwi alimwi nsheeleteewo akwiitwa ayi mutumwi ceebo ndakalinga kupensha coonde cakwe Lesa.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

1 Timoti 1:19

akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

1 Timoti 3:1

Ono ngaaya makani alushinisho. Muntu usunishi kuba mutanjilili wa coonde, ulisuni mulimo ubotu.

1 Timoti 4:9

Aya ngamakani alushinisho alimwi alyeelete kutambulwa cakumaninina akushomwa.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

2 Timoti 2:11

Ono ngaaya makani alushinisho, “Na twakafwa anguwe, tulaakunooli boomi anguwe.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

1 Joni 5:11

Bukamboni ubu mbwakwaamba ayi Lesa wakatupa buumi butamaani alimwi buumi ubu bulacanika muMwanaakwe.

Ciyubululo 21:5

Mpomunyaawo ukala pacuuna ca bwaami wakaamba ayi, “Ono bulya shintu shoonse ntooshipanga cipya!” Wakandwiita alimwi ayi, “Ulembe shintu ishi mukwiinga maswi aya alyeelete kushomwa alimwi ngalushinisho.”

Ciyubululo 22:6

Mpomunyaawo munjelo wakaŋambila ayi, “Maswi aya ngancinencine alimwi alyeelete kushomwa. Mwaami Lesa uyo upa Mushimu Usalashi kubalaluki, watuma munjelo wakwe ayi aboneshe basebenshi bakwe isho sheshi shikacitike onoono.”

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.