1 Samwelo 9:17 - Baibo Busansulushi Bwa Libuku Ili

¹⁷ Samwelo ndyaakabonabo Saulo, Mwaami Lesa wakamwaambila ayi, “Ngowooyu musankwa ngondakakulwiitaawo. Ulaakweendelesha bantu bangu.”

1 Samwelo 9:17 Marejeleo ya Msalaba

Neyemiya 13:19

Mpeeke ndakapa mulawo wakwaamba ayi minjililo ya ndabala inene ya Jelusalemu ilyeelete kunoocalwa lyoonse pakwipila lisuba, bushiku bwa Cibelu ndibutalika, akutacalula kushikila bushiku ubo bwamana. Ndakabika basebenshi bangu bamwi kulindilila minjililo kwaamba ayi kubule ciletwa mundabala pabushiku bwa Cibelu.

Neyemiya 13:25

Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Jelemiya 32:8

Ono bweenka bwakaamba Mwaami Lesa, Anamelo wakesa mukumbona kulubansa lwa ŋanda ya bwaami akunsenga ayi ngule muunda wakwe. Paceebo ceeco ndakeshiba ayi maswi alya ncakwiila akaswa kuMwaami Lesa.

Osiya 13:11

Mubukali bwangu ndakamupa mwaami alimwi mubukali bwangu buyoosha ndakamukushaawo.

Milimo ya Batumwi 13:21

Ono bantu ndibakasenga mwaami, Lesa wakabasalila Saulo mwanaakwe Kishi, wa mumukowa wakwe Benjameni. Wakabalela myaaka ili makumi one.

1 Samwelo 3:13

Ndakamulwiitawo kale ayi ndaakupa mulandu bamuŋanda yakwe kwamuyayaya ceebo bana bakwe basankwa bakancobola. Eli wakalinga kwishi ayi mbobatoocita ubo, sombi taakwe kubakasha.

1 Samwelo 9:18

Lyalo Saulo wakaya pakalinga Samwelo ceebo lakwe wakalinga kufwaafwi amwinjililo wa ndabala. Mpeeke wakamwiipusha ayi, “Ntokwiipushaako, ino kwikala shikubona nkuli?”