1 Samwelo 6:21 - Baibo Busansulushi Bwa Libuku Ili

²¹ Mpeeke bakatumya beshinkombe kuKilyati Jeyalimu amaswi akwaamba ayi, “Bene Filisiti bapilusha Libokoshi lya Cipangano ca Mwaami Lesa. Kamwisa muliloonde.”

1 Samwelo 6:21 Marejeleo ya Msalaba

2 Samwelo 6:2

Defedi wakanyamuka abashilumamba boonse mbwaakalingaabo akuya kuBaala muJuda ayi bakaleteeko Libokoshi lya Cipangano ca Mwaami Lesa. Libokoshi ilyo lyeenka ndyeliitwa liina lya Mwaami Lesa Shinkusu shoonse uyo ukala pakati ka shintu shicite mapapaminwa shiitwa ayi bakelebu peculu lya ndilyo.

Kulumbaisha 78:60

Wakashiya tente yakwe kuShilo, iyo njaakalinga kwikalaamo pakati ka bantu bakwe.

Jelemiya 26:20

Uliya mwanaakwe Shemaya wa kuKilyati Jeyalimu alakwe wakalaluka muliina lya Mwaami Lesa. Wakalaluka shintu shomwi sheenka shalaluka Jelemiya pandabala ino apacishi cino.

Jelemiya 7:12

“Ono kamuya kuShilo, musena uyo ngondakataanguna kusala ayi noolambililwaako akubona ncendakacita ceebo ca bubi bwa bantu bangu bene Isilaeli.

Jelemiya 7:14

Paceebo ceeco isho nshendakacita kuShilo, bulya ntooshicita kuŊanda yangu ino iyo njemucinkitemo manungo. Nkokwaamba ayi ntooshicita kumusena ngondakapa ndimwe alimwi abamashali banu bakulukulu.

Joshuwa 15:60

Mwakalinga Kilyati Baali nabi Kilyati Jeyalimu alimwi aLaba. Nkokwaamba ayi mandabala pantu pomwi akalinga obilo kubikaawo amishi yakalinga kushingulukite mandabala ayo.

Joshuwa 15:9

Ndiyakaswa pakalundu kaniini apo, yakalanga kutuntupu twa Nefutowa akwiinda mumandabala anene a kuKalundu ka Efuloni alimwi akukunkuluka kuya kuBaala nabi ayi Kilyati Jeyalimu.

Joshuwa 18:14

Kuswa kukalundu kalangene aBeti Oloni kulubasu lwakumalenge, nyinsa yakaboola kumalenge kwiinda kulubasu lwakumbo akuya kuKilyati Baali, nabi ayi Kilyati Jeyalimu, ndabala inene ya bene Juda. Iyo yakalinga njenyinsa yakumbo.

Joshuwa 9:17

Paceebo ceeci bene Isilaeli bakanyamuka akuya mukushika kumandabalaabo, nkokwaamba ayi Gibyoni, Kefila, Biloti alimwi aKilyati Jeyalimu. Bakashika pabushiku bwatatu.

Boomboloshi 18:12

Bakaya mukuyaka misumba yabo kuKilyati Jeyalimu mucishi ca Juda. Anu musena uyo ncebawiitila ayi Maane Dani, nkokwaamba ayi misumba ya bene Dani. Musena uyo uli kumbo lya Kilyati Jeyalimu.