1 Samwelo 5:3 - Baibo Busansulushi Bwa Libuku Ili

³ Macuunsacuunsa ndibwakaca bene Ashidodi bakacana cibumbwabumbwa cakwe Dagoni cawa cakuya mukuumawo cameenso panshi kunembo lya Libokoshi lya Cipangano ca Mwaami Lesa. Mpeeke bakacibusha akuciboosha mumusena wa ncico.

1 Samwelo 5:3 Marejeleo ya Msalaba

1 Baami 18:26

Lyalo bakabwesa mucende uyo wakaletwa kuli mbabo, bakamubamba. Mpeeke bakatalika kupaila kuli Baali kushikila lisuba ndilyakashika pakati ka mutwi. Bakalinga koolobesha ayi, “NobaBaali mutukumbule!” Bakalinga kushana kabashinguluka cipaililo ncebakayaka. Sombi taakuuwo cakacitika. Baali taakwe kubakumbulaawo.

Kulumbaisha 115:7

Maansa balicite, sombi taaku ncaacata. Myeendo balicite, sombi tabeendi. Taaku amaswi aswa pamikolomenwa yabo.

Kulumbaisha 97:7

Abo boonse balambila shibumbwabumbwa balalenshekwa nsoni, ee, abo boonse balyuuma mucaamba ceebo ca shibumbwabumbwa. Abalo balesa balafukama kunembo lya Mwaami Lesa mukumulambila.

Kulonga 12:12

“Pabushiku ubo mbomunya mashiku, ndaakwiinda mucishi coonse ca Ijipiti kuya cicaya baana basankwa boonse bakwiiya ba bantu alimwi aba shifubwa. Ndaakupa mulandu balesa boonse ba bene Ijipiti. Nebo ndime Mwaami Lesa.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 40:20

Mukandu utakoonshi kuula silifa nabi golodi, ulasala cisamu ceshi cikabule kubola. Ulalangoola muntu ucibwene shakubesabesa kwaamba ayi amupangile cibumbwabumbwa ceshi cikabule kuwa.

Isaya 41:7

Ucibwene shakupangapanga ulaambila shikufula shintu sha golodi ayi, ‘Wacita kabotu!’ Shikuuma cibumbwabumbwa ansando ayi ceelane akuteshima, ulayumyayumya shikucipopa ayi acinunganye. Na nkutentelela balaamba ayi, ‘Kwabota abuumbi.’ Lyalo cibumbwabumbwa ico balacipopa amisomaali kwaamba ayi ciimikane cakutawa.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Maako 3:11

Bantu bakalinga kucite bashikaswa kulilabo na bamubona, bakalinga kuwa panshi muliimfwa lyakwe akoolobesha ayi, “Uli Mwanaakwe Lesa!”

1 Samwelo 6:1

Mpeeke Libokoshi lya Cipangano ca Mwaami Lesa ndilyakekala myeenshi yosanwe ayobilo mucishi ca Filisitiya,

1 Samwelo 6:5

Mulyeelete kupanga shili anga nshuute sha golodi ashili anga mbakoswe isho shitoonyonyoola cishi canu. Alimwi mulyeelete akulemeka Lesa wa bene Isilaeli. Mpashi inga wacileka kutondesha bukali kuli ndimwe, balesa banu alimwi acishi canu.