1 Samwelo 30:16 - Baibo Busansulushi Bwa Libuku Ili

¹⁶ Mpeeke muntu uyo wakatola Defedi uko bene Amaleki nkobakalinga, bakabacana balipalangene luundu loonse. Bakalinga kushiite kabalya, kunwa akushana ceebo ca buboni mbobakasaala kuswa mucishi ca bene Filisiti aca bene Juda.

1 Samwelo 30:16 Marejeleo ya Msalaba

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

1 Makani 4:43

Uko bakacaya bene Amaleki boonse bakapuluka. Ono uko nkobekala kushikila asunu.

Jobo 20:5

kusangalala kwa mucita shibi nkwaciindi ciniinibo. Kukondwa kwa muntu utashomi Lesa nkuce.

Kulumbaisha 119:162

Kushomesha kwanu kulansangalasha anga ngumuntu wacana bubile buunji.

Kulonga 32:6

Ingayi bushiku bwakaboolaawo macuunsacuunsa bantu bakabenga milambu yakutenta alimwi amilambu ya bwanabwankashi. Mpomunyaawo bantu bakekala panshi akutalika kulya akusekelela, uko kwakesa mukuba kwa bucakolwa bupusenepusene alimwi akucita bufuule.

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Isaya 9:3

NoBaami baLesa, mushobo wa bantu banu mwaufusha, Kusangalala kwa bantu banu mwakufusha. Balasangalala pameenso anu bweenka bantu mbobasangalala pakutebula. Ee, bweenka mbobasangalala basankwa pakubaana shakasaalwa.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Joshuwa 22:8

“Amuboolele kumishaanu abuboni bwanu buunji, nkokwaamba ayi matanga anene ashifubwa, silifa, golodi, bulonse, nshimbi alimwi ashakufwala shiinji. Shintu nshemwakasaala kubalwani, mubaane abamakwabanu.”

Boomboloshi 8:11

Lyalo Gidyoni wakeenda nshila yakalinga kwiinda kweela luyanga, kwicwe lya Noba aJogibeya. Mpeeke wakalwana bene Midyani kabatalibambiteewo.

1 Samwelo 30:14

Twakasaala kulubasu lwakumalenge a cishi ca bene Keleti, acishi ca bene Juda, kubikaawo acishi cakumalenge ca bene Kalebu, ndiswe nkuya mukutenta andabala ya Sikilagi.”

1 Samwelo 30:15

Mpomunyaawo Defedi wakeepusha ayi, “Sa inga wantoola kubete likoto lya bashilumamba ilyo ndiwakalingaalyo?” Alakwe wakakumbula ayi, “Inga ndamutola nkolibete na mwanshomesha cakulumbila muliina lyakwe Lesa ayi teshi muye mukancaaye nabi kumboosha kumwaami wangu.”