1 Samwelo 29:3 - Baibo Busansulushi Bwa Libuku Ili

³ Lyalo bamatanjilili ba bashilumamba bakeepusha ayi, “Ino baEbulu aba batoocitanshi kuno?” Akishi wakakumbula ayi, “Uyu nguDefedi wacinenenene wakwe Saulo mwaami wa cishi ca Isilaeli. Ndekalaakwe shafula, bulya ngumwaaka wakabumbulu akwiindilila. Ono mbwaakaswitabo kuli Saulo kushikila asunu taaku bubi nebo mboomubwenene.”

1 Samwelo 29:3 Marejeleo ya Msalaba

Matalikilo 14:13

Mpomunyaawo musankwa wakaloboka akuya mukuluula shoonse ishi kuli Abulamu muEbulu. Abulamu uyo wakalinga kwikala pafwaafwi amibanga yakwe Mamule mwine Amoli, mukwabo Eshikoli alimwi aAneli. Bamukowa aba boonse Abulamu mbwaakalingaabo pantu pomwi.

1 Makani 12:19

Bashilumamba bene Manase bamwi bakaya kuli Defedi uko ndyaakalinga kuya abene Filisiti mukulwana Saulo. Nakubi boobo Defedi abashilumamba bakwe tabakwe kucafwa bene Filisiti mukwiinga bamaami ba bene Filisiti bakaloonda ayi inga baya mukuba kulubasu lwakwe Saulo. Aboobo bakaboosha Defedi kuSikilagi.

1 Makani 12:20

Aba mbobashilumamba bene Manase abo bakaya kulubasu lwakwe Defedi ndyaakalinga kuboolela. Adina, Josabadi, Jediayelo, Mikaeli, Josabadi, Eliyu, alimwi aSiletayi. Mucishi cakwe Manase aba boonse bakalinga bamatanjilili ba bashilumamba bali 1,000.

Danyelo 6:5

Lyalo bacinenenene abo bakaamba ayi, “Teshi tukacaneewo mulandu wakupa Danyelo, sombibo na caamba kumulawo ukumya kunshila njaapaililamo Lesa wakwe.”

Joni 19:6

Bapailishi banene abeshikulindilila kuŊanda yakwe Lesa ndibakamubona, bakoolobesha ayi, “Aapopwe pamucilingano, aapopwe pamucilingano!” Mpomunyaawo Pilato wakabaambila ayi, “Amumubwese nobeene muye mukamupoope. Nebo taaku mulandu ngondamucanina.”

Bene Loma 12:17

Muntu na wakubishisha, webo tooelete kumubishisha. Sombi amweeleshe kucita shibotu shisuminisha bantu boonse.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.

1 Samwelo 14:11

Mpeeke bakalibonesha kashanga kubene Filisiti. Lyalo bene Filisiti bakaamba ayi, “Amubone! BaEbulu bamwi batooswa mushilindi mobalinga kuyubite!”

1 Samwelo 25:28

Ndaseenga mundekelele cilubo ncindacita nemusebenshi wanu. Ncakwiila Mwaami Lesa ulaakulengesha bwaami kuba pali ndimwe abamulunyungu lwanu mukwiinga mutoolwana nkondo sha Mwaami Lesa. Aboobo akubule kubisha kwishi kucanike muli ndimwe kulilabo kamucili boomi

1 Samwelo 27:1

Ono Defedi wakalyaamboosha mumoyo wakwe ayi, “Bumwi bushiku Saulo ulaakuncaya, taaku ceenda kubota kwiinda kulobokela kucishi ca bene Filisiti. Lyalo Saulo cilaakumulensha butolo kunyandoola kuli koonse mucishi ca Isilaeli. Munshila iyi ndaakufuna buumi bwangu.”

1 Samwelo 27:7

Mucishi ca bene Filisiti ico, Defedi wakekalaamo mwaaka amyeenshi yone.

1 Samwelo 29:6

Mpomunyaawo Akishi wakeeta Defedi akumwaambila ayi, “Bweenka mbocibete lushinisho ayi Mwaami Lesa ngumuumi, webo ulashomeka. Nebo taaku bubi mboonkubwenene kuswa bushiku mbowakesa mulubansa lwangu kushikila asunu, sombi bamatanjilili bamwi tabasangalete kuya awebo kunkondo.

1 Samwelo 4:6

Bene Filisiti ndibakanyumfwa ciyobeyobe ico bakeepusha ayi, “Ino ciyobeyobe ico ncaanshi mumisumba ya baEbulu?” Ndibakeshiba ayi Libokoshi lya Cipangano lyaletwa mumisumba ya baEbulu,