1 Samwelo 24:15 - Baibo Busansulushi Bwa Libuku Ili

¹⁵ Ncakwiila Mwaami Lesa aatoomboloshe nguwe kubona ulubite pakati kesu. Aalangelange cikani cangu akutondesha ayi ndiluleme mukumfuna kuswa mumaansaanu.”

1 Samwelo 24:15 Marejeleo ya Msalaba

2 Makani 24:22

Ono mwaami Joashi wakaluba shintu shibotu nshakamucitila Jeoiyada ishi Sekaliya akucaya mwanaakwe. Mwanaakwe uyo pakufwa wakaamba ayi, “Mwaami Lesa aabone ncemutoocita akumupa mulandu.”

Kulumbaisha 119:154

Amunjimikanine pamulandu wangu akundubula. Amumpe buumi bupya kweelana ambomwakashomesha.

Kulumbaisha 35:1

NoBaami baLesa amulangane abaabo batoolangana anebo. Amulwane abaabo batoolwana ndime.

Kulumbaisha 43:1

NobaLesa amutondeshe ayi nebo nshicite mulandu. Amumfuninineeko mucikani ici kumushobo uyu wa bakunsengwe. Amumfuune kuswa kubantu babeshi alimwi bamucita shibi.

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Boomboloshi 11:27

Nebo nshikwe kukubishishaawo, sombi webo utoombishisha mukuyanda kundwana. Mwaami Lesa, moomboloshi, aaomboloshe akwishiba ulubite pakati ka bene Isilaeli abene Amoni.”

1 Samwelo 17:43

Mpeeke wakaambila Defedi ayi, “Ono utoosa ankooli kuli ndime, sa utooyeeya ayi ndi kabwa?” Mpomunyaawo mwine Filisiti ulya wakashingana Defedi muliina lya balesa bakwe.

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.

1 Samwelo 25:39

Lyalo Defedi ndyaakanyumfwa ayi Nabali wakafwa, wakaamba ayi, “Aalumbwe Mwaami Lesa uyo waboosha cishole kuli Nabali ceebo cakutananga kabotu. Wanciba nebo nemusebenshi wakwe ayi ntaciti cibiibi akubooshela Nabali cibiibi cakwe.” Mpeeke Defedi wakatuma basankwa bakwe ayi bamwiipushisheko kuli Abigelo shakweeba.

1 Samwelo 26:20

Ono kutandeka ayi mfwite mumusena uli kulaale akubete Mwaami Lesa. Ino nceebonshi mwaami wa cishi ca Isilaeli utoosa ciyandoola ndime nenjina, anga ngumuntu utooya cifwima bakancele mutulundu.”

1 Samwelo 26:4

wakatuma beshikusensa abo bakashinisha ayi ncakwiila wakapola.