1 Samwelo 23:6 - Baibo Busansulushi Bwa Libuku Ili

⁶ Ono Abiyata mwanaakwe Aimeleki ndyaakaloboka akuya mukwikala aDefedi muKeila, wakabwesa acakufwala ca bupailishi ciitwa ayi efodi akuyaaco.

1 Samwelo 23:6 Marejeleo ya Msalaba

1 Baami 2:26

Mwaami Solomoni wakaambila Abiyata mupailishi ayi, “Koya kumushi wine mishaanu kuAnatoti. Walinga kweelete kufwa, sombi teshi nkucaaye bulya mukwiinga Libokoshi lya Cipangano lya Mwaami Lesa Shinkusu shoonse lyakalinga mumaansaako ndiwakalinga abata baDefedi, alimwi wakapenga pantu pomwi ambabo mumapensho abo oonse.”

Kulonga 28:6

“Alimwi bakatunge cakufwala ca bupailishi ciitwa ayi efodi ca booya bwa mbelele buboneka anga ndiculu, bufubelafubela, busalalabo pyu, busalu bwa golodi alimwi ansaalu ibotu iteshimite. Cakufwala ico coonse cilyeelete kutungwa ashimwi shintu shakubotesha.

1 Samwelo 14:18

Mpeeke Saulo wakaambila Aija mupailishi ayi, “Amulete efodi kuno.” Pabushiku Aija wakalinga kwiifwete kunembo lya bene Isilaeli.

1 Samwelo 14:3

Mupailishi wakalinga kufwete cakufwala ca bupailishi ciitwa ayi Efodi nguAija mwanaakwe Aitubu mukwabo Ikabodi. Aitubu wakalinga mwanaakwe Fineyasi alimwi mwishikulu wakwe Eli mupailishi wa Mwaami Lesa kuShilo. Taaku wakalinga kwishi ayi Jonasani waya.

1 Samwelo 22:20

Ono Abiyata mwanaakwe Aimeleki alimwi mwishikulu wakwe Aitubu, wakaloboka wakacica akulobokela kuli Defedi.

1 Samwelo 23:2

Mpomunyaawo wakeepusha kuMwaami Lesa ayi, “Sa bene Filisiti nje mbalwaane?” Mwaami Lesa wakamukumbula ayi, “Ee, koya ukabalwaane, upulushe bamundabala ya Keila.”

1 Samwelo 23:5

Aboobo Defedi abashilumamba bakwe bakaya kuKeila akulwana bene Filisiti. Bakacaya baanji akubwesa shifubwa shabo. Mboboobo Defedi mbwaakapulusha bamundabala ya Keila.

1 Samwelo 23:7

Saulo ndyaakanyumfwa ayi Defedi wakaya kuKeila wakaamba ayi, “Lesa wamwaaba mumaansaangu ayi mucaaye, mukwiinga mwiine walibika muntolongo kwiinda mukwinjila mundabala icite minjililo ampingilo sha sheela.”

1 Samwelo 23:9

Defedi ndyaakeshiba ayi Saulo utooyeeya kumulwana, wakaambila Abiyata mupailishi ayi, “Leta efodi.”

1 Samwelo 30:7

Defedi wakaambila Abiyata mupailishi mwanaakwe Aimeleki ayi, “Ndetele efodi.” Lyalo Abiyata wakeeleta kuli nguwe.