1 Samwelo 22:3 - Baibo Busansulushi Bwa Libuku Ili

³ Kuswa kooko Defedi wakaya kuMisipa muMoabu akwaambila mwaami wa kuMoabu ayi, “Sa inga tamusuminishi bata abama kwisa mukwikalaanu kushikila nkeshibe Mwaami Lesa nceshi akancitile?”

1 Samwelo 22:3 Marejeleo ya Msalaba

Matalikilo 47:11

Mpeeke Josefu wakekalika baishi abamakwabo muIjipiti, akubapa musena kulubasu lwakalinga kwiindaawo kubota mucishi ico. Musena uyo wakalinga kufwaafwi andabala inene ya Lamesesi, bweenka bwakaamba Falawo.

2 Samwelo 8:2

Mpeeke Defedi wakakoma abene Moabu. Bene Moabu wakabooneka panshi boonse akubapima alutambo. Lyalo abo bakalinga kukwana shipimo shobilo sha lutambo, wakabacaya akuleka baabo batakalinga kushika waawo. Munshila iyo bene Moabu bakaba basebenshi bakwe Defedi akutalika kumutolela misonko.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

1 Timoti 5:4

Ono na mukalubinje mwanakashi kaacite baana nabi bashikulu, baana abashikulu abo bataangune kucita sheesho Lesa nshaasuni kumishaabo. Mukucita boobo balabooshesha bashali babo abankambiyabo nshebakabacitila ceebo ico ncecikondelesha Lesa.

Boomboloshi 11:29

Mpomunyaawo Mushimu wa Mwaami Lesa wakesa pali Jefuta. Lyalo wakeenda muGilyadi amucishi ca bene Manase. Kuswawaawo wakaboolela kuMisipa mucishi ca Gilyadi ngooyo kuAmoni.

Lute 4:10

Kwiilikaawo apo, Lute mwine Moabu wakalinga muka Maloni mulobe, waba mukaangu. Ici citoolengesha ayi buboni bwa mulobe bunoocili mumaansa a bamuŋanda yakwe. Bamulunyungu lwakwe abalo bananooshiite pakati ka beshikamukowa wakwe, nkokwaamba ayi mundabala umo mweenka Maloni mwaakalinga kwikala. Mwebo muli bakamboni bangu sunu!”

Lute 4:17

Beshikamukobonyina Naomi banakashi bakaambila bantu boonse ayi, “Kwashalwa mwaana kuli Naomi!” Bakatumba mwaana uyo ayi Obedi. Obedi ngowakalinga ishi Jese uyo wakashala Defedi.

1 Samwelo 14:47

Lyalo Saulo ndyaakaba mwaami wa bene Isilaeli, wakalwana balwani bakwe boonse kumbasu shoonse. Wakalwana bene Moabu, bene Amoni, bene Edomu, bamaami ba Soba alimwi abene Filisiti. Kuli koonse nkwaakaya mukulwana wakabakoma.

1 Samwelo 22:2

Mpeeke bantu boonse bakalinga kuungumene, bakalinga munkongole abaabo batakalinga kukondetwe bakaya kuli nguwe, lyalo wakaba mutanjilili wabo. Pantu pomwi bakalinga basankwa mpashi myaanda yone.

1 Samwelo 22:4

Lyalo wakashiya baishi amwaami wa bene Moabu. Mpeeke bakekalaabo ciindi coonse Defedi ncaakalinga kuyubite mucimfwengo.

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”