1 Samwelo 21:7 - Baibo Busansulushi Bwa Libuku Ili

⁷ Ono musebenshi wa mwaami Saulo wakalingaawo bushiku ubo kaacita kweelana ambwaakashomesha cakulumbila kunembo lya Mwaami Lesa. Wakalinga Dowegi mwine Edomu, mutanjilili wa beembeshi bakwe Saulo.

1 Samwelo 21:7 Marejeleo ya Msalaba

Matalikilo 26:20

Bumwi bushiku beembeshi ba muGela bakaambana abeembeshi bakwe Isaki akwaamba ayi, “Maanshi aya ngesu.” Paceebo ceeco Isaki wakatumba mukalo uyo ayi, “Eseki” nkokwaamba ayi, “Kwaambana.”

1 Makani 27:29

Shitilayi wa kuShaloni wakalinga kweendelesha ŋombe shakalinga kulita kuShaloni. Shafati mwanaakwe Adilayi wakalinga kweendelesha ŋombe shakalinga kulita kushinyika.

1 Makani 27:31

Jasisi mwine Agi wakalinga kweendelesha mbelele ampongo. Anu aba mbobakalinga bacinenenene bakalinga kweendelesha shintu sha mwaami Defedi.

2 Makani 26:10

Wakayaka maanda alaamfu muluyanga acite malinga akukaba mikalo iinji. Wakacita boobo mukwiinga wakalinga kucite shifubwa shiinji mucishi ca tulundu ca kulubasu lwakumbo amumawesa. Ono ceebo cakwaamba ayi wakalinga kusuni kulima, wakayumyayumya bantu ayi banoolima myuunda ya minyansa mucishi ico ca tulundu akulima bulongo bwa mboleshi.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Bene Lefi 22:10

“ ‘Eenkabo wa mulifumo lya bapailishi ngoweelete kulya milambu isalalite ili yoonse. Taaku aumwi weelete kwiilya, nabibo mweensu wa mupailishi nabi musebenshi wakwe.

Bene Lefi 22:13

Sombi na mwanaakwe mwanakashi waba mukalubinje nabi walekwa kaatacite baana, alimwi waboola mukwikala muŋanda ya baishi ayi banoomucafwa, ngoweelete kulya shakulya sha bupailishi isho baishi nshebatambula. Anu eenkabo wa mulifumo lya bapailishi ngoweelete kulya shakulya isho.

Bene Lefi 24:5

“Mubwese makilogilamu likumi aobilo a fulaulo akupanga shimaande shili likumi ashobilo.

Bene Lefi 24:8

Pabushiku bwakookesha bwa Cibelu bomwi abomwi, kwashiindi shoonse shitoosa, shimaande isho shilyeelete kubikwa kunembo lyangu neMwaami Lesa. Uyu ngumulimo wa bene Isilaeli kwamuyayaya.

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Mateyo 15:8

‘Aba bantu balandemekabo pamulomo sombi myoyo yabo ili kulaale anebo.

1 Samwelo 11:5

Paciindi ico Saulo wakashika abasune bakwe kuswa kumuunda. Mpeeke wakeepusha ayi, “Anu kwabanshi? Ceebonshi bantu boonse batoolila?” Mpomunyaawo bakamulwiita makani akaleta beshinkombe ba kuJabeshi.

1 Samwelo 14:47

Lyalo Saulo ndyaakaba mwaami wa bene Isilaeli, wakalwana balwani bakwe boonse kumbasu shoonse. Wakalwana bene Moabu, bene Amoni, bene Edomu, bamaami ba Soba alimwi abene Filisiti. Kuli koonse nkwaakaya mukulwana wakabakoma.

1 Samwelo 21:8

Defedi wakeepusha Aimeleki ayi, “Sa tamuciteewo lisumo nabi mupeeni muno? Nshikwe kuletaawo mupeeni nabi cakulwanisha cili coonse mukwiinga ncaantuma mwaami ncalubilo.”

1 Samwelo 22:10

Aimeleki wakamwiipushishaako kuMwaami Lesa akumupa shakulya alimwi amupeeni wakalinga wakwe Golyati mwine Filisiti.”

1 Samwelo 22:22

Mpomunyaawo Defedi wakaamba ayi, “Bulya bushiku ndakeshiba kwaamba ayi Dowegi mwine Edomu mbwaaliiwo, ulaakuya mukwaamba kuli Saulo. Ee, ndime ndakalengesha beshikamukowa bako kucaikwa.

1 Samwelo 22:9

Ono Dowegi, musankwa mwine Edomu uyo wakalinga kwiimfwi abamatanjilili ba bashilumamba bakwe Saulo palya wakaamba ayi, “Nebo Defedi ndakamubona ndyaakesa kuli Aimeleki mwanaakwe Aitubu musankwa kuNobu.