1 Samwelo 20:5 - Baibo Busansulushi Bwa Libuku Ili

⁵ Aboobo Defedi wakaamba ayi, “Bona ciilo nkusekelela kwa Mweenshi Upya alimwi ndyeelete kulya amwaami. Ono leka nje nkayube muluundu kushikila isona macolesha.

1 Samwelo 20:5 Marejeleo ya Msalaba

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

Kulumbaisha 55:12

Nicalinga cakwaamba ayi mbalwani batoontukana, naakwiinga ndaliyuminisha. Naalinga muntu umpatite wambukila, naakwiinga ndamuyuba.

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Tushimpi 22:3

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Shakubelenga 10:10

Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Joni 8:59

Lyalo ingayi banyumfwe boobo bakabwesa mabwe ayi baume Jesu, sombi wakabayuba akuloboka kuswa muŊanda yakwe Lesa.

Milimo ya Batumwi 17:14

Paciindi ceenka ico bashomi bakaambila Paulo abasankwa bamwi ayi baye kulweenge, sombi Sailasi aTimoti bakacaala muBiliya.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

1 Samwelo 19:2

Aboobo Jonasani wakamucenjesha ayi, “Bata batoopinga kukucaya na bakakubonenebo kapense. Ciilo macuunsa ukacenjele. Ukaye mukuyuba.

1 Samwelo 20:18

Kuswawaawo Jonasani wakaambila Defedi ayi, “Ciilo nkusekelela kwa Mweenshi Upya. Kubulaawo kwako kulaakwishibikwa mukwiinga taaku eshi akekale pacuuna cako.

1 Samwelo 20:19

Ono isona kulaakwiindaawo, anu ukaye kulya kweenka nkowakalinga wayubaawo kataanshi ukayube kumulwi wa mabwe.

1 Samwelo 20:24

Aboobo Defedi wakayuba muluundu, lyalo kusekelela kwa Mweenshi Upya kwakashikila, mpeeke mwaami wakekala ayi alye.

1 Samwelo 20:27

Sombi apabushiku bwabili mumweenshi, musena wakwe Defedi wakacanika ucilibo bwaashi. Mpeeke Saulo wakeepusha Jonasani mwanaakwe musankwa ayi, “Ino nceebonshi mwanaakwe Jese ncaatakwe kusita mukulya anebo ciilo asunu?”

1 Samwelo 20:4

Mpomunyaawo Jonasani wakaambila Defedi ayi, “Amba cili coonse ncoosuni ayi ncite, ntookucitila.”

1 Samwelo 20:6

Na baiso bakasule ayi nshipo, ukabalwiite ayi, ‘Defedi wakansenga camaansa obilo ayi musuminishe kuya kundabala ine mishaabo ya Betileemu, mukwiinga ciilo kulaakuba kubenga mulambu wa bamuŋanda yabo ngobabenga lyoonse pamwaaka.’