1 Samwelo 2:33 - Baibo Busansulushi Bwa Libuku Ili

³³ Nakubi boobo ndaakushiyaawo womwi pabamulunyungu lwako weshi akabe mupailishi wangu. Ono ulaakupofola kukulila alimwi akupenga mumoyo. Bamwi boonse bamulunyungu lwako balaakufwa lufu lubiibi alimwi luyoosha kabacilibo basankwa bayumu.

1 Samwelo 2:33 Marejeleo ya Msalaba

1 Baami 1:19

Wabenga mulambu wa bacende baanji, mbelele, alimwi aboombe beenite. Watamba bana banu basankwa, Abiyata mupailishi alimwi aJoabu mutanjilili wa bashilumamba banu kuya mukusekelela. Sombi taakwe kutambawo Solomoni mwanaanu.

1 Baami 1:7

Mpeeke Adonija wakanyumfwana aJoabu mwanaamwanakashi wiitwa ayi Seluiya alimwi aBiyata mupailishi. Abalo bakasumina kumucafwa mucikani ico.

Bene Lefi 26:16

ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.

1 Samwelo 2:32

Mulaakupenshekwa akukumbwa shoolwe shoonse nsheshi nkape bantu bamwi bene Isilaeli, sombi mubamuŋanda yako taaku nabi womwi weshi akashike kubucembele.

1 Samwelo 2:34

Ono Ofini aFineyasi, bana bako basankwa balaakufwa pabushiku bomwi. Ici cilaakukutondesha ayi shoonse nshendaamba shilaakucitika cancinencine.

1 Samwelo 22:18

Mpeeke mwaami wakaambila Dowegi ayi, “Nyamuka webo ucaye bapailishi aba.” Mpomunyaawo Dowegi mwine Edomu uyo wakabacayoola boonse. Bushiku ubo wakacaya basankwa bali 85 boonse kabafwala kale shakufwala sha bupailishi, shakapangwa kunsalu ibotu iteshimite, shiitwa ayi efodi.