1 Samwelo 16:14 - Baibo Busansulushi Bwa Libuku Ili

¹⁴ Ono Mushimu wa Mwaami Lesa wakashiya Saulo. Mpeeke muuya ubiibi uyo wakatumwa aMwaami Lesa wakamupensha abuumbi.

1 Samwelo 16:14 Marejeleo ya Msalaba

2 Samwelo 7:15

Nakubi boobo ndaakunoomusunibo lyoonse alimwi teshi nkamusuuleewo mbuli mbondakacita Saulo akumukusha munshila yako.

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

1 Baami 22:22

Mwaami Lesa wakeepusha ayi, ‘Ulaakumucenjeeka buyani?’ Mushimu wakakumbula ayi, ‘Ndaakuya mukulengesha balaluki bakwe Aabu kwaamba shabubeshi.’ Mwaami Lesa wakaamba ayi, ‘Koya ukamucenjeeke. Ulaakucikonsha.’ ”

Kulumbaisha 51:11

Mutantandaanyi kuswa kumeenso anu, nabi kunyaya Mushimu wanu Usalashi.

Osiya 9:12

Nakubi kwaamba ayi bakakushewo baana ndaakumana kubalobya boonse. Kulaakuba mapensho anene abuumbi ndaakubafutatila bantu aba!”

Boomboloshi 16:20

Mpeeke wakoolobesha ayi, “BaSamusoni mbaabo bene Filisiti bamunjilila.” Ono ndyaakashinshimuka, lakwe kaayeeya ayi, “Ntooswita pansengwe nkalipakamune bweenka mbooncita lyoonse.” Lakwe kaateshi kwaamba ayi Mwaami Lesa wamushiya.

Boomboloshi 16:29

Lyalo Samusoni wakacata kumacinko obilo a pakati ashimpya ŋanda akwaashindika cankusu, lyaansa lyalulyo kulyomwi alyalo lyacipiko kulimwi.

Boomboloshi 9:23

Kuswawaawo Lesa wakatuma muuya ubiibi uyo wakalengesha bene Shekemu kupata Abimeleki. Lyalo bakamubukila.

1 Samwelo 11:6

Saulo ndyaakanyumfwa boobo Mushimu wakwe Lesa wakamuselukila cankusu, mpeeke wakakalala abuumbi.

1 Samwelo 16:15

Basebenshi ba mwaami Saulo bakamwaambila ayi, “Amubone muuya ubiibi wakatumwa aMwaami Lesa utoomupensha.

1 Samwelo 16:16

Nkambo, abatumeewobo sobasebenshi babo ayi tulaangoole muntu weshi anoolisha kalumbu. Ulaakunoomulishila paciindi muuya ubiibi uyo wakatumwa aMwaami Lesa na wesa, lyalo mulaakuba kabotu.”

1 Samwelo 16:23

Kuswawaawo kulilabo muuya ubiibi uyo wakalinga kutumwa aMwaami Lesa na wesa pali Saulo, Defedi wakalinga kunyamuna kalumbu akumulishila. Mpeeke muuya ubiibi uyo wakalinga kumushiya, lyalo wakalinga kuba kabotu akunyumfwa kabotu alimwi.

1 Samwelo 18:10

Bushiku bwakaboolaawo muya ubiibi wakatumwa aMwaami Lesa wakesa cankusu pali Saulo. Mpeeke kaayabookabo muŋanda yakwe anga ngushincinko, alakwe Defedi kaamulishila kalumbu kweelana ambwaakalinga kucita lyoonse. Ono Saulo wakalinga kucite alisumo mulyaansa.

1 Samwelo 18:12

Mwaami Saulo wakatalika kuloonda Defedi ceebo Mwaami Lesa wakalinga anguwe, sombi lakwe wakamushiya.

1 Samwelo 28:15

Lyalo Samwelo wakeepusha Saulo ayi, “Ino wanyonganishilanshi mukumbusha?” Saulo wakakumbula ayi, “Ndi mumapensho anene abuumbi. Bene Filisiti batooyanda kundwana alakwe Lesa taabete anebo mukwiinga taatoonkumbulaawo kwiinda mubalaluki nabi mushiloto. Nceceeco ncendamwiitila kwaamba ayi mundwiite cakucita.”