1 Samwelo 16:13 - Baibo Busansulushi Bwa Libuku Ili

¹³ Aboobo Samwelo wakabwesa lwiica lwa mafuta ayo akumunanika ayi abe mwaami pameenso a bamakwabo basankwa. Kuswa bushiku ubo Mushimu wa Mwaami Lesa wakaselukila Defedi cankusu. Lyalo Samwelo wakaboolela kuLama.

1 Samwelo 16:13 Marejeleo ya Msalaba

2 Samwelo 12:7

Mpeeke Natani wakaambila Defedi ayi, “Muntu uyo ndimwe! Amukutike! Mwaami Lesa, Lesa wa bene Isilaeli waamba ayi, ‘Ndakakusala kuba mwaami wa bene Isilaeli kwiinda mukukunanika mafuta akukufuna ayi Saulo atakucaayi.

2 Samwelo 2:4

Mpeeke basankwa bene Juda bakesa kuEbuloni akunanika Defedi kuba mwaami wabo. Ono Defedi ndyaakanyumfwa kwaamba ayi basankwa bene Jabeshi Gilyadi mbobakabika Saulo,

2 Samwelo 23:1

Ono aya ngamaswi akweelaako akwe Defedi. Ngamaswi abulaluki akwe Defedi mwanaakwe Jese, maswi a muntu wakasumpulwa kuMwaami Lesa Wiindaawo, musankwa uyo Lesa wakwe Jakobo ngwaakasala kuba mwaami. Ncakwiila uyo shikwiimba nyimbo shibotu wa bene Isilaeli.

2 Samwelo 5:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli.

2 Baami 9:6

Lyalo bobilo abo bakaya mucipinda. Mpeeke mulaluki uyo wakatila mafuta a olifi pamutwi wakwe Jewu akumwaambila ayi, “Mwaami Lesa, Lesa wa bene Isilaeli waamba ayi, ‘Ndakunanika kwaamba ayi ube mwaami wa bantu bangu bene Isilaeli.

1 Makani 11:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli bweenka bwakashomesha Mwaami Lesa kwiinda muli Samwelo.

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulumbaisha 89:21

Lyaansa lyangu linanoomucafwa. Ncakwiila mukono wangu unanoomuyumyayumya.

Shakubelenga 11:17

Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka.

Shakubelenga 27:18

Mpeeke Mwaami Lesa wakaambila Mose ayi, “Bwesa Joshuwa mwanaakwe Nani, umo muli Mushimu wangu, akubika maansaako pamutwi wakwe.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

Bene Ebulu 1:9

Ulisuni kucita shiluleme akupata shitaluleme. Nceceeco nebo, neLesa wako, ncendakakusalila akukunanika mafuta abonesha kusangalala kwiinda babyo bamwi boonse.”

Bene Ebulu 11:32

Sa noociya cibandookabo ashimwi? Nshicite ciindi cakulemba sha pacikani cakwe Gidyoni, Balaki, Samusoni, Jefuta, Defedi, Samwelo alimwi abalaluki bakulukulu.

Boomboloshi 11:29

Mpomunyaawo Mushimu wa Mwaami Lesa wakesa pali Jefuta. Lyalo wakeenda muGilyadi amucishi ca bene Manase. Kuswawaawo wakaboolela kuMisipa mucishi ca Gilyadi ngooyo kuAmoni.

Boomboloshi 13:25

Lyalo Mushimu wa Mwaami Lesa wakatalika kumupa nkusu kaacili kuMaane Dani, pakati ka Sola alimwi aEshitaoli.

Boomboloshi 14:6

Mpeeke Mushimu wa Mwaami Lesa wakesa pali nguwe akumupa nkusu cakwaamba ayi wakaya waikwamuna amaansabo anga ngumuntu utookwamuna mwanaampongo. Sombi taakwe kulwiitawo baishi nabi banyina makani ayo.

Boomboloshi 3:10

Mushimu wa Mwaami Lesa wakesa pali nguwe. Aboobo wakaba moomboloshi wa bene Isilaeli akubatanjilila kuya kunkondo. Mpeeke Mwaami Lesa wakaaba Kushani Lishataimu mwaami wa kuMesopotamya mumaansa akwe Otiniyelo wamukoma.

1 Samwelo 1:19

Macuunsacuunsa bushiku bwakaboolaawo, Elikana abamuŋanda yakwe bakabuka. Lyalo ndibakamana kulambila Mwaami Lesa, bakaboolela kuLama. Elikana wakakumana aAana mukaakwe. Mpeeke Mwaami Lesa wakakumbula mupailo wakwe Aana.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 10:6

Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.

1 Samwelo 11:6

Saulo ndyaakanyumfwa boobo Mushimu wakwe Lesa wakamuselukila cankusu, mpeeke wakakalala abuumbi.

1 Samwelo 16:18

Mpeeke womwi pakati ka basebenshi wakakumbula ayi, “Ndibweneewo mwaana musankwa wakwe Jese mwine Betileemu ucishi kulisha kabotu kalumbu. Ngumusankwa utacite boowa, shilumamba mubotu, ucishi kubandika alimwi uboneka kabotu abuumbi. Mwaami Lesa uli anguwe.”

1 Samwelo 18:12

Mwaami Saulo wakatalika kuloonda Defedi ceebo Mwaami Lesa wakalinga anguwe, sombi lakwe wakamushiya.

1 Samwelo 2:35

Ndaakusala mupailishi weshi akanooshomeka akucita shoonse nsheensuni ayi acite. Ndaakumupa bamulunyungu lwakwe abo beshi bakanoosebensabo pameenso a mwaami ngweshi nkasaale.