1 Samwelo 15:23 - Baibo Busansulushi Bwa Libuku Ili

²³ Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 15:23 Marejeleo ya Msalaba

Jelemiya 28:16

Aboobo Mwaami Lesa waamba ayi, ‘Ntooyanda kukushaawo pacishi ca panshi. Utoofwa mwaaka weenka uno ceebo webo waambila bantu kubukila ndime neMwaami Lesa.’ ”

1 Samwelo 13:14

Sombi bulya bweendeleshi bwako teshi butolelele. Ono mukwiinga tookwe kumunyumfwila, Mwaami Lesa walangoola kale musankwa ucite mibo njaasuni kwaamba ayi abe mwaami wa bantu bakwe.”

Bene Lefi 20:6

“Ono na umwi muntu waya mukucebusha kubantu baamba amishimu ya bafu, ndaakumufutatila, akucileka kumuyeeyela kuba muntu wangu.

Bene Galatiya 5:20

kulambila shibumbwabumbwa, buloshi, kutanyumfwana, kupikishanya, munyono, bukali, kuliyanda, kupansaana alimwi akulipatula,

Jelemiya 29:32

ncakwiila ndaakumupa mulandu pantu pomwi abamulunyungu lwakwe. Taaku shikamukowa nabibo womwi weshi akacaale alimwi teshi akabonewo shintu shibotu nsheshi nkacitile bantu bangu ceebo wakaambila bantu kubukila ndime neMwaami Lesa. Nebo neMwaami Lesa ndaamba.’ ”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Kulumbaisha 107:11

ceebo bakasuula maswi akwe Lesa, akukaka milasho yakwe Lesa wa kwiculu Wiindaawo.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Kulonga 22:18

“Mwanakashi muloshi uli woonse ulyeelete kucaikwa.

Matalikilo 31:34

Ono Lakelo wakabwesa balesa abo akubabika mucakukalaawo pangamela lyalo wekalaawo. Labani wakalangoola moonse mumusumba, sombi taakwe kutucana.

Matalikilo 31:19

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.

Jobo 34:37

Amulange, pashibiibi shakwe ucinungawo bwaashu. Utoocobola Lesa soonse katunyumfwiteeko.”

Dutolonomi 9:7

“Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.

Bene Lefi 20:27

“Musankwa uli woonse nabi mwanakashi waamba amishimu ya bafu ulyeelete kucaikwa kumabwe. Muntu woonse weenga wacita boobo, lufu lwakwe ndwakuliletela mwiine.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Isaya 19:3

Bene Ijipiti balaakutyongola alimwi ndaakulengesha miyeeyo yabo kubula mpindu. Balaakwiipusha kushibumbwabumbwa, kumishimu, kubeshi shamucaamba alimwi akubeshikwaamba amishimu.

Isaya 8:19

Sombi bantu balaakumulwiita ayi musenge maswi kuswa kubeshikwaamba abafu alimwi abeshikusonda abo babulubusha akutepeta pakwaamba. Tamweelete kuyaako. Sa te mulyeelete kwiipusha Lesa wanu? Anu inga mweepushanshi kubafu kwiipushisha boomi?

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

Dutolonomi 9:24

Kuswabo paciindi ndindakamwishiba mulibo beshikwaalookila Mwaami Lesa.

Shakubelenga 14:9

Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

1 Samwelo 28:3

Ono paciindi ico Samwelo wakalinga kufwite. Ndyaakafwa, bene Isilaeli boonse bakamulila akumubika muLama, ndabala ine mishaabo. Ico ciindi Saulo, beshikusonda abeshikwaamba amishimu kaali wakabatandaamo kale mucishi cakwe.

2 Samwelo 7:15

Nakubi boobo ndaakunoomusunibo lyoonse alimwi teshi nkamusuuleewo mbuli mbondakacita Saulo akumukusha munshila yako.

2 Samwelo 12:9

Ino wanyanshilanshi maswi angu nebo neMwaami Lesa kwiinda mukucita cintu cibiibi mumeenso angu? Wakacaisha Uliya mwine Iti munkondo. Wakamucaisha kubene Amoni akubwesa mukaakwe wamweeba.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Jelemiya 16:12

Sombi mwebo mwabiisha kwiinda bamashali banu bakulukulu. Tamubwene kwaamba ayi mwebo noonse womwi awomwi utookonkela bushicimpamya bwa moyo wakwe ubiibi mumusena wakunyumfwila ndime.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Joshuwa 22:15

Lyalo ndibakashika kuGilyadi kubamumukowa wakwe Lubeni, Gadi alimwi amusa wa mukowa wakwe Manase, bakabaambila ayi,

Osiya 13:11

Mubukali bwangu ndakamupa mwaami alimwi mubukali bwangu buyoosha ndakamukushaawo.