1 Samwelo 15:11 - Baibo Busansulushi Bwa Libuku Ili

¹¹ “Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.

1 Samwelo 15:11 Marejeleo ya Msalaba

Matalikilo 6:6

wakafwa nsoni kwaamba ayi wakalenga bantu akubabika pacishi ca panshi. Mpeeke cakamucisa abuumbi kumoyo.

Matalikilo 6:7

Aboobo wakaamba ayi, “Ntoonyonyoola bantu abo mbondakalenga, pantu pomwi abanyama, shilongolo shinene atuniini sheenda panshi shoonse alimwi abayuni bauluka, mukwiinga canensha nsoni kubalenga.”

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

1 Baami 11:9

Mwaami Lesa wakakalalila Solomoni mukwiinga moyo wakwe wakaswaako kuMwaami Lesa, Lesa wa bene Isilaeli uyo wakaboneka kuli nguwe mankanda obilo.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

1 Makani 21:15

Mpomunyaawo Mwaami Lesa wakatuma munjelo wakwe kuya mukunyonyoola Jelusalemu. Sombi wakayeeya bumbi akwaambila munjelo wakwe ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Jobo 34:27

ceebo cakuleka kumukonkela alimwi akunyansha milawo yakwe.

Kulumbaisha 109:4

Balo balandwana nabi nebo ndibasuni, nabi bancite boobo, nebo ndabapaililako.

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 36:3

Myaambo yabo yoonse njabubi alimwi njabubeshi. Kucita shintu shibotu, sha busongo, ncintu ncebakacilekabo kalekale.

Kulumbaisha 78:41

Lyobilo lyobilo bakalinga kusunka Lesa, akulengesha Lesa usalalite wa bene Isilaeli kukalala.

Kulumbaisha 78:57

Tebakalinga kushomeka mbuli bamashali babo bakulukulu. Tebakalinga kushomeka bweenka mufwi usendeme mbootashomeki.

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Kulonga 32:14

Aboobo Mwaami Lesa wakapilula miyeeyo yakwe, mpeeke wakacileka kuleta makatasho pabantu bakwe ayo ngaakalinga aamba.

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 34:16

Sombi bulya mwasandula miyeeyo yanu akucobola liina lyangu. Noonse mwakaboosha basha abo mbomwakaangulula kweelana ambobakalinga kulila. Ncakwiila mwakabakakatisha kuba basha alimwi.”

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Jelemiya 9:18

Bantu baamba ayi, “Bafwambaane kwisa, bese batulilile kushikila meenso esu asulebo minsonshi, ee, kushikila maanshi akunke kuswa mushikoye shesu.”

Esekelo 18:24

“Na muntu ululeme wacileka kucita shabululami akutalika kubisha akucita shintu shilensha bunya isho shicita bamucita shibi, sa inga waba abuumi? Sobwe, taakuuwo cintu ciluleme nabi comwi ico ncaakacita ceshi cikeebalukweewo. Ncakwiila ulaakufwa ceebo cakutashomeka kwakwe alimwi ashibiibi isho nshaakacita.

Amosi 7:3

Kuswawaawo Mwaami Lesa wakabooshamo moyo akwaamba ayi, “Isho nshewabona teshi shikacitike.”

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Mateyo 24:13

Sombi uyo eshi akayuminine kushikila kumamanino a mapensho aya, ulaakupulushikwa.

Mateyo 5:44

Sombi nebo ntoomulwiita ayi, ‘Amusune balwani banu akubapaililaako abo bamupensha,

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Bene Ebulu 10:38

Bantu bangu abo baluleme balaakunshoma akuba abuumi. Sombi na umwi akaboole pesule, teshi nkakoondwe muli nguwe.”

Joshuwa 22:16

“Likoto lya Mwaami Lesa limwi lyoonse lyaamba ayi, ‘Ino mwasowa buyani lushomo kuli Lesa wa bene Isilaeli munshila iyi? Mwaashukila Mwaami Lesa kwiinda mukuliyakila cipaililo ici, alimwi mwapambuka munshila yakwe.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.

1 Samwelo 15:10

Mpeeke Mwaami Lesa wakaambila Samwelo ayi,

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

1 Samwelo 15:35

Ono mubuumi bwakwe boonse Samwelo taakwe kubonaawo Saulo alimwi. Nakubi boobo wakoongumana ceebo cakwe Saulo. Alakwe Mwaami Lesa wakafwa nsoni kwaamba ayi wakalengesha Saulo kuba mwaami.

1 Samwelo 15:9

Ono Saulo abashilumamba bakwe tabakwe kucaya Agagi, nabi mbelele aŋombe shibotu, boombe abana ba mbelele beenite. Nkokwaamba ayi shintu shoonse shakalinga shibotu tabakwe kushinyonyoola. Sombi shoonse shatakalinga kuboneka kabotu, bakashinyonyoola.

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 8:6

Samwelo taakwe kusekelaamo mukusenga kwabo, Aboobo wakapaila kuMwaami Lesa.