1 Samwelo 14:44 - Baibo Busansulushi Bwa Libuku Ili

⁴⁴ Saulo wakaamba ayi, “Lesa aacite cili coonse pali ndime nabi cibiibi buyani, na webo Jonasani ubule kufwa.”

1 Samwelo 14:44 Marejeleo ya Msalaba

Matalikilo 38:24

Ndipakeenda ciindi cakuyanda kukwana myeenshi yotatwe, umwi muntu wakaambila Juda ayi, “Mulokashi wako Tama, wakalinga kucita anga ngumufuule ono bulya ulimitite.” Mpomunyaawo Juda wakaambila bantu ayi, “Amumukusheemo, mumutole mukamuteente kushikila afwe.”

2 Samwelo 12:31

Bantu ba mumo wakabapa ncito yakusebensesha shakutimbusha mapulanga, mase, tweembe akubakakatisha kunokuuma ncelwa. Wakacita bweenka ubo akumandabala amwi a bene Amoni. Lyalo lakwe abashilumamba bakwe bakaboolela kuJelusalemu.

2 Samwelo 12:5

Mpomunyaawo Defedi wakakalala abuumbi ceebo ca mubile uyo akwaambila Natani ayi, “Bweenka mbocibete lushinisho ayi Mwaami Lesa ngumuumi, ncakwiila musankwa uyo ulyeelete kucaikwa!

2 Samwelo 19:13

Amasa lakwe mumulwiite ayi, ‘Webo tuli bulowa bomwi. Ono Mwaami Lesa ampe mulandu nabi unene cili buyani na kuswa sunu webo teshi ube mutanjilili wa likoto lya bashilumamba bangu mumusena wakwe Joabu.’ ”

2 Samwelo 3:9

Ono Mwaami Lesa aampe mulandu nebo neAbina, nabibo unene, na mbule kucitila Defedi ico Mwaami Lesa ncaakamushomesha cakulumbila.

Tushimpi 25:16

Na wacana buuci ulyeeletebo kulya mboweelete ceebo na weendilisha inga waluuka.

Boomboloshi 11:35

Ono ndyaakamubona, wakakwamoona cakufwala cakwe akulila ayi, “Maawe omwanaangu wampeensha ceebo ndakashomesha cakulumbila kuMwaami Lesa, ono inga nshikoonshi kuleka kucita ncendakashomesha.”

Lute 1:17

Uko nkweshi mukafwite, anebo nkweshi nkafwite alimwi kweenka uko nkweshi nkabikwe. Lesa aakampe mulandu na cimwi, kuleka lufu, cikampansaanye amwebo!”

1 Samwelo 14:39

Ntooshomesha muliina lya Mwaami Lesa muumi uyo upa bene Isilaeli nkusu shakukoma balwani, kwaamba ayi wacicita utoocaikwa nabibo na ngumwanaangu Jonasani.” Ono bantu taaku wakaambaawo nabi liswi.

1 Samwelo 25:22

Paceebo ceeci Lesa aakampe mulandu na nkashiye musankwa nabibo womwi kutamucaya ciilo macuunsacuunsa pabamuŋanda yakwe.”

1 Samwelo 3:17

Eli wakeepusha ayi, “Ino Mwaami Lesa wakulwiitanshi? Utashisi. Lesa utookupa mulandu unene na ushise cimwi cili coonse kuli ndime.”