1 Samwelo 10:8 - Baibo Busansulushi Bwa Libuku Ili

⁸ Utootanjila kuya kuGilugala uko nkweshi nkakucaane akubenga milambu yakutenta aya bwanabwankashi. Ukanindile uko kwanshiku shili shosanwe ashobilo kushikila nkese mukukulwiita ncooelete kucita.”

1 Samwelo 10:8 Marejeleo ya Msalaba

2 Samwelo 19:16

Paciindi ncemunya ico Shimeyi mwanaakwe Gela wa mumukowa wakwe Benjameni wa kuBayulimu alakwe wakapola abasankwa bene Juda ayi bakumanye mwaami Defedi.

Bene Lefi 3:9

Lyalo ulyeelete kupa nebo neMwaami Lesa ayi ncipo ca shakulya kuli nguwe, shipansha sha munyama ishi. Mafuta a njiyo, mucila woonsebo ucite mafuta kutimbwitabo pafwaafwi amusana, mafuta oonsebo ali kushamukati,

Joshuwa 4:19

Ono pabushiku bwalikumi mumweenshi utaanshi, bantu ndibakasubuka Mulonga wa Joodani, bakaya mukuyaka misumba kuGilugala, pafwaafwi andabala ya Jeliko.

1 Samwelo 13:4

Bene Isilaeli boonse bakalwiitikwa ayi Saulo wakacaya mutanjilili wa bashilumamba bene Filisiti. Aboobo balipatitwe kubene Filisiti. Mpeeke bantu boonse bakanyumfwa kwiita kwakwe Saulo akuya kuGilugala uko nkwaakalinga.

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.