1 Pita 5:10 - Baibo Busansulushi Bwa Libuku Ili

¹⁰ Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

1 Pita 5:10 Marejeleo ya Msalaba

Kulumbaisha 119:28

Buumba bwankopola abuumbi. Amunjuumyeyumye kweelana amaswi anu.

Kulumbaisha 138:7

Nabi ŋende pakati ka mapensho, mwebo mulalama buumi bwangu. Mulatandabika lyaansa lyanu kukasha bukali bwa balwani bangu. Ndushinisho mwebo mulamfuna alyaansa lyanu lyalulyo.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Luka 22:32

Sombi ndakupailila kwaamba ayi lushomo lutamaani. Ono waakupilukila kuli ndime ukayumye babyo.”

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Loma 15:5

Ntoosenga Lesa ulengesha bantu ayi banookalika myoyo akuba bayumu mulushomo kwaamba ayi amucaafwe ayi munoonyumfwana kwiinda mukukonkela citondesho cakwe Klistu Jesu.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Bene Loma 9:11

Sombi baana kabatana kushalwa, nkokwaamba ayi kabatana kucitawo cibotu nabi cibiibi, Lesa wakaambila Labeka ayi, “Munenebantu ulaakunoosebensela mwanikebantu.” Kusalwa kwa mwanikebantu kwaakacitika kweelana aLesa mbwaakabamba. Takukwe kucitika ceebo ca milimo njebakacita, sombi nkusala kwakwe Lesa mwiine.

Bene Loma 9:24

Ceebo ndiswe baabo mbaakasala, kuteshi kuswa kumushobo wa baJuda weenka, sombi akubaswamashi bakunsengwe.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

1 Bene Tesalonika 2:12

Twakalinga kumuyuminisha akumwaambila cankusu ayi mulyeelete kwikala bwikaalo ubo bukondelesha Lesa, uyo umwiita kwaamba ayi mukenjile muBweene amubulemu bwakwe.

2 Bene Tesalonika 2:14

Wakamwiita muMakani Abotu ayo ngotwakamushimikila kwaamba ayi amwebo mukenjile mubulemu bwa Mwaami wesu Jesu Klistu.

2 Bene Tesalonika 2:17

aayumyeyumye myoyo yanu kwaamba ayi lyoonse kamwaamba akucita shiluleme.

2 Bene Tesalonika 3:3

Sombi Lesa ulashomeka, aboobo utoomuyumyayumya akumufuna kuswa kuMubiibi ulya.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.

1 Pita 1:15

Sombi amube bantu basalalite mushintu shoonse nshemucita bweenka mbuli busalalite Lesa uyo wakamwiita.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

2 Pita 1:3

Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

1 Joni 2:25

Ncakwiila Klistu ncaakatushomesha, mbuumi butamaani.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.